మంగళవారం 01 డిసెంబర్ 2020
National - Nov 04, 2020 , 16:53:18

పినాక అధునాతన వెర్షన్‌ పరీక్ష విజయవంతం

పినాక అధునాతన వెర్షన్‌ పరీక్ష విజయవంతం

న్యూఢిల్లీ: పినాక క్షిపణి అధునాతన వెర్షన్‌ టెస్ట్‌ సక్సెస్‌ అయ్యింది. రక్షణ పరిశోధన అభివృద్ధి సంస్థ (డీఆర్డీవో) రూపొందించిన పినాక క్షిపణి అడ్వాన్స్‌ వెర్షన్‌ను బుధవారం ప్రయోగించారు. ఒడిశా తీరంలోని చాందీపూర్ ఇంటిగ్రేటెడ్ టెస్ట్ రేంజ్ నుంచి దీనిని విజయవంతంగా పరీక్షించారు. ఈ సిరీస్‌లోని మొత్తం 6 రాకెట్లను ప్రయోగాత్మకంగా ప్రయోగించారు. పినాక క్షిపణి అధునాతన వెర్షన్‌కు సంబందించిన అన్ని పరీక్షలు మిషన్ లక్ష్యాలను పూర్తిగా చేరుకున్నాయని డీఆర్డీవో అధికారులు తెలిపారు. టెలిమెట్రీ, రాడార్, ఎలక్ట్రో-ఆప్టికల్ ట్రాకింగ్ సిస్టమ్స్ వంటి పరికరాల ద్వారా క్షిపణి పనితీరును పరిశీలించినట్లు చెప్పారు. ఈ పరీక్షకు సంబంధించిన అన్ని పరిమితులను ఇది చేరుకున్నట్లు నిర్ధారించారు. ప్రస్తుతం అందుబాటులోకి వచ్చి ఉత్పత్తి దశలో ఉన్న పినాక ఎంకేఐ స్థానాన్ని ఈ అధునాతన వెర్షన్‌ భర్తీ చేస్తుందని డీఆర్డీవో అధికారులు వెల్లడించారు. 


లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలంగాణ ఆండ్రాయిడ్ యాప్ డౌన్‌లోడ్ చేసుకోండి.