శనివారం 15 ఆగస్టు 2020
Ashoka Developers
National - Jul 21, 2020 , 07:02:34

భారత్‌-అమెరికా యుద్ధ విన్యాసాలు

భారత్‌-అమెరికా యుద్ధ విన్యాసాలు

న్యూఢిల్లీ: తూర్పు లఢక్‌లో ఇటీవల దుశ్చర్యకు పాల్పడిన చైనాకు వీలు చిక్కినప్పుడల్లా భారత్‌ గట్టి హెచ్చరికలను పంపుతూనే ఉన్నది. తాజాగా అండమాన్‌ అండ్‌ నికోబార్‌ దీవుల సముద్ర జలాల్లో అమెరికా యుద్ధ నౌకలతో కలిసి సైనిక విన్యాసాలను భారత్‌ నిర్వహించింది. చైనాకు తమ సైనిక సామర్థ్యం గురించి వ్యూహాత్మక హెచ్చరికలు చేయడంలో భాగంగానే భారత్‌ అమెరికాతో కలిసి ఈ కార్యక్రమాన్ని చేపట్టిందని విశ్లేషకులు అభిప్రాయపడుతున్నారు. సోమవారం నిర్వహించిన ఈ పాసింగ్‌ ఎక్సర్‌సైజ్‌లో అమెరికాకు చెందిన నిమిజ్‌, రోనాల్డ్‌ రేగన్‌ యుద్ధ నౌకలతో పాటు భారత్‌కు చెందిన పలు గస్తీ నౌకలు, జలాంతర్గాములు పాల్గొన్నాయి. కాగా దక్షిణ చైనా సముద్రంపై ఆధిపత్యం కోసం ప్రయత్నాలను చేస్తున్న డ్రాగన్‌ దేశానికి బుద్ధి చెప్పడంలో భాగంగా అమెరికా తన శక్తివంతమైన యుద్ధ నౌకలను ఇటీవల ఆ సముద్ర జలాల్లో మోహరించింది. తద్వారా తమ మిత్ర దేశాలకు అమెరికా మద్దతును ప్రకటించింది.



logo