గురువారం 21 జనవరి 2021
National - Jan 09, 2021 , 19:28:45

గూడ్స్‌ రైలును నడిపిన మహిళలు

గూడ్స్‌ రైలును నడిపిన మహిళలు

న్యూఢిల్లీ: గూడ్స్‌ రైలును పూర్తిగా మహిళా సిబ్బంది నడిపారు. ఈ నెల 5న మహారాష్ట్ర నుంచి గుజరాత్‌కు పూర్తి మహిళా సిబ్బందితో తొలి గూడ్స్‌ రైలును నడిపినట్లు పశ్చిమ రైల్వే పేర్కొంది. వసై రోడ్ నుంచి వడోదర వరకు ప్రయాణించిన ఈ గూడ్స్ రైలును కుంకుమ్ డోంగ్రే, ఉడితా వర్మ, ఆకాన్షా రాయ్ అనే ముగ్గురు మహిళా బృందం నడిపినట్లు తెలిపింది. వీరిలో ఒకరు లోకో పైలట్‌, మరొకరు కో పైలట్‌ కాగా మరో మహిళా గార్డుగా ఉన్నట్లు వెల్లడించింది. ఏ ఉద్యోగం కూడా మహిళల పనితీరు, సామర్థ్యానికి మించినది కాదని, దీనికి వీరే ఒక స్పష్టమైన ఉదాహరణ అని కొనియాడింది. మరో మూస ధోరణిని పశ్చిమ రైల్వే బ్రేక్‌ చేసినట్లు శీర్షికగా పేర్కొంది. 

కాగా, రైల్వే మంత్రి పియూష్ గోయల్ ట్విట్టర్‌ ద్వారా ఆ ముగ్గురు మహిళా సిబ్బందికి అభినందనలు తెలిపారు. మరోవైపు ఈ ఫోటోలు సామాజిక మాధ్యమాల్లో వైరల్‌ అయ్యాయి. గూడ్స్‌ రైలును పూర్తిగా మహిళా సిబ్బంది నడపటం పట్లు పలువురు నెటిజన్లు ప్రశంసలు గుప్పించారు. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలం­గాణ ఆండ్రా­యిడ్ యాప్ డౌన్‌­లోడ్ చేసు­కోండి


logo