రాత్రివేళ హైవేపై ఓ వింత ఆకారం నడిచి వెళ్తున్న 30 సెకండ్ల వీడియో వైరల్ అయింది. అది గ్రహాంతరవాసి అని, దయ్యమని ప్రచారం హోరెత్తింది. ఆ దృశ్యాన్ని జార్ఖండ్లోని హజారీబాగ్లో గుర్తించి వీడియో తీశారని కథనం. కొందరైతే సామాజిక మాధ్యమాల్లో దీనిని షేర్ చేస్తూ ఇస్రో, నాసాలనూ ట్యాగ్ చేశారు. నిర్మాత ఏక్తా కపూర్ ఇన్స్టాలో వీడియోను షేర్ చేశారు.
ఈ వీడియోను తీసిన ఇద్దరు యువకులను స్థానిక చానల్ ‘జన్ దూత్’ ఇంటర్వ్యూ చేసింది. జార్ఖండ్లోని చక్రధరపూర్ నుంచి సరాయీకేలా వస్తుండగా ఈ దృశ్యం కంటపడిందని వారు తెలిపారు. ఆ వింత ఆకారాన్ని చూసి భయపడ్డామని, మంత్రగత్తె అని భావించామన్నారు. అయితే వీడియోలో కనిపిస్తున్నది వివస్త్రగా ఉన్న మహిళని చెప్పారు. వాట్సాప్ స్టేటస్గా పెట్టడంతో వైరల్ అయిందని చెప్పారు. ఆ మహిళ ఎవరు, దుస్తులు లేకుండా ఎందుకు తిరుగుతున్నదో ఇంకా తెలియదు.