గురువారం 28 మే 2020
National - May 14, 2020 , 11:45:44

కారుపై కూర్చుందని కుక్కను చంపేశాడు..

కారుపై కూర్చుందని కుక్కను చంపేశాడు..

అహ్మదాబాద్‌ : గుజరాత్‌లోని రానిప్‌ పోలీసు స్టేషన్‌లో దారుణం చోటు చేసుకుంది. కారుపై కుక్క కూర్చుందని దాన్ని తుపాకీతో కాల్చి చంపాడు. రానిప్‌లోని గీతా అపార్ట్‌మెంట్స్‌లో నివాసం ఉంటున్న జిగర్‌ పంచాల్‌(35).. తన కారును బయట పార్కింగ్‌ చేశాడు. మంగళవారం సాయంత్రం ఆ కారుపై ఓ కుక్క కూర్చుంది. కారుపై భాగాన్ని తన కాళ్లతో కుక్క రాకడంతో.. పంచాల్‌ తీవ్ర ఆగ్రహానికి గురయ్యాడు. దీంతో తన వద్ద ఉన్న తుపాకీతో కుక్కపై గురిపెట్టి కాల్చిచంపాడు. ఈ ఘటనపై స్థానికులు తీవ్ర ఆగ్రహం వ్యక్తం చేస్తూ.. రానిప్‌ పోలీసులకు ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేపట్టారు. పంచాల్‌కు కరోనా పరీక్షలు నిర్వహించారు. అతనికి నెగిటివ్‌ తేలడంతో అదుపులోకి తీసుకున్నారు. 


logo