ఆసిఫాబాద్, మార్చి 31 : కుమ్రం భీం ఆసిఫాబాద్ జిల్లా వైద్యాధికారిగా విధులు నిర్వర్తిస్తున్న కుమ్రం బాలు మార్చి 31తో ఉద్యోగ విరమణ పొందాల్సి ఉంది. ప్రభుత్వం తాజాగా తీసుకున్న నిర్ణయంతో ఆయన మరో మూడేండ్ల పాటు విధుల్లో కొనసాగనున్నారు. దీంతో ఆయనను వైద్య సిబ్బంది బుధవారం కార్యాలయంలో కలిశారు. పుష్పగుచ్ఛం అందజేసి శాలువాతో సన్మానించారు. జిల్లా ప్రజలకు వైద్య సేవలు అందించేందుకు అనుకోని అవకాశం వచ్చిందని కుమ్రం బాలు సంతోషం వ్యక్తం చేశారు. కార్యక్రమంలో సిబ్బంది పాల్గొన్నారు.