సీరం ఇన్‌స్టిట్యూట్‌ అగ్నిప్రమాదంలో.. ఐదుగురు మృతి

ముంబై: సీరం ఇన్‌స్టిట్యూట్‌లో గురువారం జరిగిన అగ్ని ప్రమాదంలో ఐదుగురు మరణించారు. మహారాష్ట్ర పూణేలోని మంజ్రీ ప్లాంట్‌లో కొత్తగా నిర్మిస్తున్న భవనంలో మంటలను పూర్తిగా అదుపు చేసినట్లు పూణే మేయర్ మురళిధర్‌ మొహల్ తెలిపారు. అనంతరం లోపల పరిశీలించగా ఐదుగురి మృతదేహాలు లభ్యమయ్యాయని చెప్పారు. చనిపోయిన వారు భవన నిర్మాణ కార్మికులుగా అనుమానిస్తున్నట్లు తెలిపారు. మంటలు వ్యాపించినప్పుడు సంఘటనా స్థలం నుంచి నలుగురిని కాపాడినట్లు వివరించారు. అందులోని సిబ్బంది అంతా బయటకు పరుగులు తీశారని చెప్పారు. అగ్ని ప్రమాదానికి కారణం ఏమిటన్నది తెలియరాలేదని, వెల్డింగ్‌ పనుల వల్ల మంటలు వ్యాపించి ఉంటాయని అనుమానిస్తున్నట్లు పూణే మేయర్‌ మురళిధర్‌ వెల్లడించారు.

మరోవైపు అగ్నిప్రమాదంలో ఐదుగురు మరణించిన విషయం తెలిసిందని సీరం ఇన్‌స్టిట్యూట్‌ ఆఫ్‌ ఇండియా సీఈవో అదార్‌ పూనావాలా తెలిపారు. బాధిత కుటుంబ సభ్యులకు సంతాపం తెలుపుతున్నట్లు ఆయన చెప్పారు. 

లోక‌ల్ టు గ్లోబ‌ల్‌.. వార్త ఏదైనా.. అన్నీ ఒకే యాప్‌లో. న‌మ‌స్తే తెలం­గాణ ఆండ్రా­యిడ్ యాప్ డౌన్‌­లోడ్ చేసు­కోండి