వాషింగ్టన్: బాయ్ఫ్రెండ్ చీటింగ్ను ఒక స్మార్ట్ వాచ్ అతడి ప్రియురాలికి పట్టిచ్చింది. నాడియా ఎసెక్స్ అనే మహిళ తన వీడియోలతో టిక్టాకర్గా పేరు తెచ్చుకున్నారు. అయితే ఇటీవల ఆమె పోస్ట్ చేసిన ఒక టిక్టాక్ వీడియో వైరల్ అయ్యింది. ఇందులో తన బాయ్ఫ్రెండ్ చీటింగ్ను స్మార్ట్ వాచ్ ద్వారా తెలుసుకున్న విషయాన్ని వివరించింది.
నాడియా ప్రియుడు ఒక రాత్రి బయట గడిపాడు. తెల్లవారుజామున ఇంటికి వచ్చిన అతడికి బ్రేక్ఫాస్ట్ చేసేందుకు ఆమె సిద్ధమైంది. ఇంతలో ప్రియుడి స్మార్ట్ వాచ్ మెసేజ్ షేరింగ్ ద్వారా అతడి ఆరోగ్యానికి సంబంధించి ఆమెకు ఒక అలర్ట్ వచ్చింది. గత రాత్రి 2-3 గంటల మధ్య అతడు 500 క్యాలరీలను కరిగించినట్లు ఫిట్బిట్ పేర్కొంది. దీంతో ఆ రాత్రి తన బాయ్ఫ్రెండ్ బయట ఏం చేశాడన్నది ఆమెకు అర్థమైంది. దీంతో అతడికి బ్రేకప్ చేప్పింది.
కాగా, నాడియా పోస్ట్ చేసిన ఈ వీడియో సామాజిక మాధ్యమాల్లో వైరల్ అయ్యింది. తన ప్రియుడి చీటింగ్ను స్మార్ట్ వాచ్ ద్వారా గ్రహించిన ఆమె తెలివిని నెటిజన్లు ప్రశంసించారు. కొందరు ఆమెకు తమ సానుభూతి వ్యక్తం చేశారు.