సోమవారం 03 ఆగస్టు 2020
National - Jul 10, 2020 , 11:07:01

ఆ హోటల్ లో మహిళలకు మాత్రమే ప్రవేశం ఎందుకో తెలుసా?

ఆ హోటల్ లో మహిళలకు మాత్రమే ప్రవేశం ఎందుకో తెలుసా?

 మాడ్రిడ్: అక్కడ మహిళలకు మాత్రమే ప్రవేశం ఉన్న ఈ హోటల్ ఒకటి ఉన్నది. ఎక్కడో తెలుసా? ప్రపంచంలోని అన్ని హోటళ్లలో స్త్రీ, పురుషులకు ప్రవేశం ఉంటుంది. అయితే, ఈ హోటల్‌లో మాత్రం కేవలం మహిళలే ప్రవేశించాలి. కనీసం మగ పురుగు వచ్చినా మడతెట్టేస్తారు. స్పెయిన్‌లోని బాలెయారిక్ దీవిలో ఈ హోటల్ ఉంది. దాని పేరు.. సోమ్ డోనా హోటల్. అంటే ‘మేము మహిళలం’ అని అర్థం. 14 ఏండ్లు దాటిన ఆడవాళ్లంతా ఈ హోటల్‌లో ఉండవచ్చు.కొన్నాళ్లు మగాళ్లకు దూరంగా.. ప్రశాంతంగా ఉండాలని కోరుకునే మహిళలకోసం ప్రత్యేకంగా ఏర్పాట్లు చేశారు నిర్వాహకులు. ఈ హోటల్‌లో మగాళ్లు ఉండేందుకు అవకాశం లేదు.

కనీసం ఆ పరిసరాల్లోకి కూడా అడుగు పెట్టడానికి అనుమతి లేదు. వాళ్లు ఆ మహిళ కుటుంబీకులు లేదా స్నేహితులైనా సరే.. లోపలికి ఎంట్రీ ఉండదు. ఈ హోటల్‌లో మహిళల భద్రతకు ఎలాంటి ఢోకా ఉండదని యాజమాన్యం తెలిపింది. ఈ హోటల్‌లో సిబ్బందిని కూడా మహిళలతోనే నింపేయాలని యాజమాన్యం భావించింది. కానీ, ప్రభుత్వ నిబంధనలు ఇందుకు అడ్డువచ్చాయి. ఉపాధిలో వివక్ష ఉండరాదనే నిబంధనపై కొంతమంది పురుషులకు ఈ హోటల్‌లో ఉద్యోగం కల్పించారు. వీరి వల్ల మహిళలకు ఇబ్బంది ఏర్పడకుండా ఉండేందుకు పురుష ఉద్యోగులకు కఠిన నిబంధనలు అమలు చేస్తున్నారు.



logo