శనివారం 04 జూలై 2020
National - Jun 28, 2020 , 17:52:09

సిటిక్యూ నుంచి ఎలక్ట్రిక్ ఫోర్ వీలర్

 సిటిక్యూ నుంచి ఎలక్ట్రిక్  ఫోర్ వీలర్

హైదరాబాద్: వాహన కాలుష్యం వల్ల పర్యావరణానికి తీవ్రనష్టం జరుగుతున్నది. అందుకోసమే ప్రకృతికి ఎటువంటి హాని జరగకుండా ఉండే వాహనాల తయారీ లో పడ్డాయి పలు ఆటోమొబైల్ కంపెనీలు. ఇటీవల కాలంలో ప్రపంచవ్యాప్తంగా ఎలక్ట్రిక్ వాహనాల వినియోగం పెరిగేకొద్దీ, కొత్త రకాల ఎలక్ట్రిక్ వాహనాలను చాలా ఆటో కంపెనీలు అభివృద్ధి చేస్తున్నాయి. ఇప్పటివరకు ఎలక్ట్రిక్ కార్, బైక్,  సైకిల్ వంటివి ఎలక్ట్రిక్ విభాగంలో తయారయ్యాయి. ఇప్పుడుకొత్తగా విపణిలోకి  నాలుగు చక్రాల ఎలక్ట్రిక్ మోటారుసైకిల్ వచ్చేసింది. పెడల్ యూరోపియన్ సిటిక్యూ ఎలక్ట్రిక్ కార్ ను తయారు చేసింది. నాలుగు చక్రాల కారులా కనిపిస్తుంది. ఈ కారులో రెండు డోర్లు, మూడు సీట్లు  ఉంటాయి. అంతేకాదు లగేజ్ కోసం ఇందులో ప్రత్యేకంగా స్పేస్ తోపాటు స్టీరింగ్ వీల్ కూడా ఉంది.

ఈ కారులో డ్రైవర్ సీటు ముందు పెడల్ ఉంటుంది. ఈ పెడల్స్ సాధారణ పెడల్స్ కంటే కొంత భిన్నంగా ఉంటాయి.  సాఫ్ట్‌వేర్ ద్వారా ఎలక్ట్రానిక్ పెడల్స్ ను నియంత్రించేలా రూపొందించారు. దీనిని తయారు చేయడానికి మూడేళ్ళ పాటు శ్రమించారు. ఐరోపాలో విడుదలైన ఈ నాలుగు చక్రాల ధర 7 7,450 డాలర్లు. ఈ మోటార్‌సైకిల్‌లో రివర్స్ గేర్, క్రూయిజ్ కంట్రోల్, కార్గో మోడ్, ఆటోమేటిక్ గేర్ వంటి అనేక అధునాతన ఫీచర్లు కూడా కలిగి ఉంటుంది. ఈ కొత్త ఎలక్ట్రిక్ వెహికల్ బరువు సుమారు 70 కిలోలు. ఈ సైకిల్ , గరిష్ట వేగం గంటకు 25 కి.మీ. యూరోపియన్ ట్రాఫిక్ చట్టాల ప్రకారం, ఈ వాహనం సైకిల్ ట్రాక్ ,పబ్లిక్ రోడ్లలో మాత్రమే ప్రయాణించడానికి అనుమతించబడుతుంది. సిటిక్యూ సైకిల్‌లో 800 వాట్ల బ్యాటరీ , వెనుక చక్రాలపై రెండు 150 వాట్ల ఎలక్ట్రిక్ మోటార్లు ఉన్నాయి. మోటారుసైకిల్ పూర్తిగా ఛార్జ్ అయిన తర్వాత 75 నుంచి100 కి.మీ ప్రయాణించవచ్చు.  



logo