శనివారం 11 జూలై 2020
National - Jun 23, 2020 , 13:45:26

బెంగళూరు మరో బ్రెజిల్ అవుతుంది: కర్ణాటక మాజీ సీఎం

బెంగళూరు మరో బ్రెజిల్ అవుతుంది: కర్ణాటక మాజీ సీఎం

బెంగళూరు: కర్ణాటక రాజధాని బెంగళూరులో కరోనా మహమ్మారి విలయతాండవం చేస్తున్నది. అందుకోసమే అక్కడి సర్కారు మరోసారి లాక్ డౌన్ ప్రకటించింది. సోమవారం బెంగళూరు నగరంలో ని ఐదు ప్రాంతాల్లో లాక్ డౌన్ విధించాలని నిర్ణయించింది. అయితే కర్ణాటక సర్కారు తీసుకున్న ఈ నిర్ణయం పై మాజీ ముఖ్యమంత్రి కుమారస్వామి ట్విట్టర్ ద్వారా స్పందించారు. కేవలం ఆ ఐదు ప్రాంతాల్లో లాక్ డౌన్ విధిస్తే ప్రయోజనం ఉండదని, బెంగళూరు మొత్తం 20 రోజుల పాటు లాక్ డౌన్ విధించాలని ఆయన ప్రభుత్వాన్నికోరారు. కఠినంగా లాక్ డౌన్ అమలు చేయకపోతే, బెంగళూరు మరో బ్రెజిల్ అవుతుందని, ఆర్థిక వ్యవస్థ కంటే ప్రజల జీవితాలు చాలా ముఖ్యమైనవి ”అని కుమారస్వామి  వరుస ట్వీట్ల లో పేర్కొన్నారు. కార్మికులకు నిత్యావసర సరుకులతోపాటు, రూ .5వేల ఇవ్వాలని కర్నాటకా సర్కారుకు విజ్ఞప్తి చేశారు. ప్రభుత్వం ప్రకటించిన ప్యాకేజీ వారికి ఏమాత్రం సరిపోదు. కాబట్టి వారికి అవసరమైన సాయాన్నివెంటనే అందించాలని కోరారు. 


logo