శనివారం 11 జూలై 2020
National - Jun 23, 2020 , 01:22:36

పర్యావరణానికి మేలు చేసే బాంబూ బాటిల్స్

పర్యావరణానికి మేలు చేసే బాంబూ బాటిల్స్

దిస్పూర్: పర్యావరణాన్ని పట్టి పీడిస్తున్న సమస్యల్లో ప్లాస్టిక్‌ ఒకటి. పచ్చటి ప్రకృతికి చీడలా తయారైన ఈ రక్కసి కారణంగా ఎన్నో ప్రాణులు మృత్యువాత పడుతున్నాయి. ఈ క్రమంలో పలు ప్రభుత్వాలు ప్లాస్టిక్‌ నిషేధానికై చర్యలు తీసుకుంటున్నా పెద్దగా ఫలితం కనిపించడం లేదు. ప్రస్తుతం రోజూవారీ జీవితంలో ప్లాస్టిక్‌ వస్తువుల వినియోగం భాగమైపోయింది. ఈ నేపథ్యంలో ప్లాస్టిక్‌ వాడకాన్ని అరికట్టేందుకు ఓ ఐఐటీ పూర్వ విద్యార్థి తన వంతు ప్రయత్నంగా పర్యావరణ హితమైన వాటర్‌ బాటిల్‌ను తయారు చేశాడు. అసోం ఐఐటీ యూనివర్సిటీ నుంచి పట్టభద్రుడైన ధ్రితిమాన్‌ బోరా వెదురు బొంగులతో రూపొందించిన ఈ బాటిల్‌ ప్రకృతి ప్రేమికులను ఎంతగానో ఆకట్టుకుంటున్నది. కారకుండా ఉండటమే కాకుండా... నీళ్లని ఎల్లప్పుడూ చల్లగా ఉంచే ఈ చెక్క బాటిల్‌ ఫొటోలు ప్రస్తుతం సోషల్‌ మీడియాలో చక్కర్లు కొడుతున్నాయి. వ్యాపారవేత్తగా ఇప్పుడిప్పుడే అడుగులు వేస్తున్న బోరా.. ఒక్కో బాటిల్‌ ధరను రూ. 450- 700గా నిర్ణయించాడు. సాధారణ బాటిళ్లలాగే వీటిని కూడా రెండు వారాలకొకసారి శుభ్రం చేయాల్సి ఉంటుంది. 



logo