ప్రముఖ నటి, లోక్సభ సభ్యురాలు కిరణ్ ఖేర్ బ్లడ్ క్యాన్సర్తో బాధపడుతూ చికిత్స తీసుకుంటున్నట్లు ఆమె భర్త అనుపమ్ ఖేర్ ఇవాళ మీడియాకు వెల్లడించారు. ఈ నేపథ్యంలో బ్లడ్ క్యాన్సర్ గురించిన ఆలోచనలు, అపోహలు చాలా మంది మదిలో మెదలడం సహజమే. బ్లడ్ క్యాన్సర్ ఎలా వస్తుందని చాలా మంది ఆరా తీస్తూ వాటి లక్షణాలను, చికిత్సా విధానాన్ని తెలుసుకుంటున్నారు. ఇది నిజంగా మంచిదే.
ముందస్తుగా ఏ క్యాన్సర్లనైనా గుర్తిస్తే వాటికి చికిత్స అందించేందుకు వీలున్నది. ప్రస్తుతం బ్లడ్ క్యాన్సర్ ఎలా వస్తుంది..? దాని లక్షణాలు ఎలా ఉంటాయి..? చికిత్స ఉంటుందా..? బ్లడ్ క్యాన్సర్ రాకుండా ఉండేందుకు మన జీవనశైలిలో ఏవైనా మార్పులు చేసుకోవాలా..? అనే విషయాలను తెలుసుకుందాం.
క్యాన్సర్ అనేది శరీరం లో ఎక్కడైనా వచ్చే అసాధారణమైన కణాల అనియంత్రిత పెరుగుదల. కణాల పెరుగుదలలో నియంత్రణ లేనందువల్ల కణాలు చాలా వేగంగా అస్తవ్యస్తంగా విభజన చెంది కణ సమూహాలను ఏర్పరుస్తాయి. ఈ కణసమూహాలనే క్యాన్సర్లుగా పిలుస్తారు. క్యాన్సర్లు ముఖ్యంగా కార్సినోమా, సార్కోమా, లుకీమియా, లింఫోమా అనే నాలుగు రకాలుగా ఉన్నాయి.
శరీరంలో అసాధారణంగా పెరిగే కణితులు లేదా ట్యూమర్లు ముఖ్యంగా రెండు రకాలుగా ఉంటాయి. ఒకటి మాలిగ్నెంట్ ట్యూమర్, రెండోది బినైన్ ట్యూమర్. మాలిగ్నెంట్ రకం ట్యూమర్ల నుంచి కొన్ని కాన్సర్ కణాలు విడిపోయి దేహంలో ఏర్పడిన ప్రాంతం నుంచి వేరొక ప్రాంతంలోకి చేరి ద్వితీయ ట్యూమర్లను ఏర్పరుస్తాయి. ఇవి తొందరగా పెరుగుతాయి. ప్రమాదకరమైనవి, ప్రాణాంతకమైనవి.
ఇక బినైన్ ట్యూమర్లు నెమ్మదిగా పెరిగి, చిన్నవిగా ఏర్పడతాయి. ఇవి హానికరమైనవి కావు. చిన్న శస్త్రచికిత్స ద్వారా తొలగించే వీలుంది. అత్యంత ప్రాణాంతకమైన క్యాన్సర్లలో బ్రెస్ట్ క్యాన్సర్, ప్రొస్టెట్ క్యాన్సర్, స్కిన్ క్యాన్సర్, బ్లడ్ క్యాన్సర్ ఒకటి.
బ్లడ్ క్యాన్సర్ చాలా సాధారణంగా చూసే క్యాన్సర్ ల లాంటిది కాదు. 10 లక్షల మందిలో 35 మందికి బ్లడ్ క్యాన్సర్ వస్తుంది. పిల్లల్లో కూడా ఈ క్యాన్సర్ వచ్చే అవకాశాలుంటాయి. బ్లడ్ క్యాన్సర్ అనేది బ్లడ్ సెల్స్ పై ప్రభావం చూపుతుంది. ముఖ్యంగా తెల్ల రక్తకణాలు, బోన్ మ్యారోలో ఉండే రక్త కణాలపై ప్రభావం చూపుతుంది.
బ్లడ్ క్యాన్సర్ రెండు రకాలుగా ఉంటుంది. క్రోనిక్, అక్యూట్ అనే రెండు రకాలు. ఈ రెండింటికీ ట్రీట్మెంట్ వేరుగా ఉంటుంది. బ్లడ్ క్యాన్సర్ ఎక్కువగా ఆడవాళ్లతో పోల్చితే మగవాళ్లలోనే కనిపిస్తుంది. మగవాళ్లకు 31 శాతం ఎక్కువ అవకాశాలు ఉంటాయి. లింఫటిక్ సిస్టంలో ఏర్పడే ఒక రకమైన బ్లడ్ కాన్సర్లను లింఫోమా అంటారు. కాగా, నార్మల్ బ్లడ్ సెల్స్ అదుపు తప్పి కంట్రోల్ అవకుండా పెరుగుతూ ఉంటే దాన్ని ల్యుకేమియా అంటారు. మల్టిపుల్ మైలోమా – ఈ కాన్సర్ కూడా బోన్ మారో లోనే స్టార్ట్ అవుతుంది.
చాలా సందర్భాల్లో బ్లడ్ క్యాన్సర్కు సంబంధించిన లక్షణాలేవీ పైకి కనిపించవు. చివరి దశకు చేరుకున్న తర్వాతనే గుర్తించేందుకు వీలు చిక్కుతుందని వైద్యనిపుణులు చెప్తున్నారు.
రక్త క్యాన్సర్లతో బాధపడుతున్నవారిలో ఆకలి ఉండదు.
ఎప్పుడూ అలసటగా, నీరసంగా ఉంటారు.
జ్వరం ఎక్కువగా వస్తూ ఉంటుంది.
ఏదో ఒక రకం ఇన్ఫెక్షన్ కనిపిస్తూనే ఉంటుంది.
చిన్న గాయం నుంచి అధిక రక్తస్రావం వస్తుంది.
రాత్రుళ్లలో ఎక్కువగా చెమటపోస్తుంది.
ఉన్నంటుండి శరీరం బరువు తగ్గిపోతారు.
బోన్స్, జాయింట్లలో భరించలేనంత నొప్పులు వస్తుంటాయి.
ముక్కు, చిగుళ్ల నుంచి రక్తం స్రవిస్తుంది.
పీరియడ్ ఫ్లో కూడా ఎక్కువగా ఉంటుంది.
పెద్ద వాళ్లలో బ్లడ్ క్యాన్సర్ కి ప్రధాన కారణం.. స్మోకింగ్ అలవాటు. కెమికల్ కంపెనీల్లో పనిచేసే వారు రేడియేషన్స్ రెగ్యులర్గా పొందాల్సి ఉంటున్నందున వీరికి బ్లడ్ క్యాన్సర్వచ్చే అవకాశాలు ఎక్కువ.
బ్లడ్ కాన్సర్ని మేనేజ్ చేయవచ్చుననీ, కీమోథెరపీ, ఇతర ట్రీట్మెంట్స్ ద్వారా జీవిత కాలాన్ని పెంచవచ్చుననీ చాలా మందికి తెలియదు. కీమోథెరపీ కుదరని వారికి స్టెమ్ సెల్ ట్రాన్స్ప్లాంట్ చేయాల్సి రావచ్చునని తెలుసుకోవాలి.
శరీరం బరువు అతిగా ఉండటం వల్ల కొన్నిరకాల క్యాన్సర్లు మన అవయవాలపై దాడిచేసే ప్రమాదమున్నది. అందుకని మితంగా ఆహారం తీసుకోవాలి.
సిగరెట్, మద్యం మానుకోవడం చాలా అవసరం.
రెడ్ మీట్ను మొత్తానికి దూరంగా పెట్టాలి.
కూరగాయలు, పండ్లు ఎక్కువగా తీసుకుంటూ ఉండాలి.
వీలైనంత వరకు చక్కెర తినకుండా జాగ్రత్తపడాలి.
కూల్డ్రింక్స్, ఆర్టిఫీషియల్ డ్రింక్స్, మిఠాయిలు, ఎనర్జీ డ్రింక్స్ తీసుకోవడం మానేయాలి.
గ్రీన్ టీ ఈసీసీజీని కలిగి ఉండి దీనిలోని పోలిఫినాల్ అనేది క్యాన్సర్ సెల్ పెరుగుదలను క్రమంలో ఉంచుతుంది.
డిటాక్సిఫైయింగ్ గుణాలు అధికంగా ఉండే పసుపు.. క్యాన్సర్ నివారణలో గ్రేట్గా పనిచేస్తుంది. పసుపులో యాంటీ ఇన్ఫ్లమేటరీ, యాంటీసెప్టిక్ లక్షణాలతోపాటు కుర్కుమిన్.. క్యాన్సర్ నివారించడంలో గొప్పగా సహాయపడుతుంది.
వెల్లుల్లిలోన ఫైటోకెమికల్స్ క్యాన్సర్ కారకాలపై పోరాడుతాయి.
టమాటల్లో ఉండే లైకోపిన్ అనే పదార్థం క్యాన్సర్ నివారణలో ఉపయోగపడుతుంది.
ఆకుకూరల్లోని పోషక విలువలు డీఎన్ఏ డ్యామేజ్ కాకుండా చేసి ట్యూమర్లను క్రమ పద్ధతిలో ఉంచుతాయి.
లింగ సమానత్వంలో అట్టడుగులో భారత్.. ఐస్లాండ్కు తొలిస్థానం
హిమాలయాల్లో 2 టన్నుల చెత్త.. సేకరించిన నేపాల్ పర్వతారోహకులు
కొవిడ్ థర్డ్ వేవ్ కారణంగా ఫ్రాన్స్లో లాక్డౌన్
ప్రజాప్రతినిధుల పని తీరే ఓటేసేందుకు కొలమానం కావాలి: వెంకయ్యనాయుడు
మిలటరీ డెయిరీ ఫాంల మూసివేత.. 132 ఏండ్లు కొనసాగిన ఆర్మీ పాడి
ఆల్ ఫూల్స్ డే.. ఎందుకు..? ఎప్పుడు..? ఎలా..? చరిత్రలో ఈరోజు
తాజా వార్తల కోసం నమస్తే తెలంగాణ ఫేస్బుక్ , ట్విటర్, టెలిగ్రామ్ ను ఫాలో అవండి..