చెన్నై: డీఎంకే చీఫ్ ఎంకే స్టాలిన్ అల్లుడి ఇంట్లో ఇవాళ ఆదాయపన్ను శాఖ అధికారులు సోదాలు నిర్వహిస్తున్నారు. స్టాలిన్ అల్లుడి శబరీశన్కు చెందిన నాలుగు ప్రదేశాల్లో ఇవాళ ఉదయం నుంచి తనిఖీలు జరుగుతున్నాయి. నీలంగరైలో ఉన్న ఇంట్లోనూ ఐటీ అధికారులు సోదాలు నిర్వహించారు. స్టాలిన్ కూతురు సెంతమారై తన భర్త శబరీశన్తో పాటు అక్కడే నివసిస్తున్నారు. అసెంబ్లీ ఎన్నికల వేళ డీఎంకే నేత ఇండ్లల్లో ఐటీ సోదాలు జరగడం ఇది రెండవసారి. గత నెలలో డీఎంకే నేత ఈ వేలూ ఇంట్లో కూడా ఐటీశాఖ సోదాలు చేసిన విషయం తెలిసిందే. వేలూ ఇంటి నుంచి భారీ స్థాయిలో నగదును ఐటీ అధికారులు స్వాధీనం చేసుకున్నట్లు తెలుస్తోంది.