రోడ్డుపైనే గర్భిణి ప్రసవం

Thu,January 24, 2019 01:12 PM

లక్నో : ఉత్తరప్రదేశ్‌లోని జలౌన్ పట్టణంలో నిండు గర్భిణి రోడ్డుపైనే పండంటి ఆడబిడ్డకు జన్మనిచ్చింది. గర్భిణికి పురిటి నొప్పులు రావడంతో ఆమె కుటుంబ సభ్యులు నిన్న ప్రాథమిక ఆరోగ్య కేంద్రానికి తీసుకువచ్చారు. అయితే గర్భిణిని పరీక్షించిన నర్సులు.. మూడు రోజుల తర్వాత ఆస్పత్రికి తీసుకురావాలని సూచించారు. ఆస్పత్రిలో చేర్చుకునేందుకు నర్సులు నిరాకరించడంతో.. తిరిగి ఇంటికి తీసుకెళ్తున్న క్రమంలో రోడ్డుపైనే ప్రసవించింది. కొందరు మహిళలు కలిసి ఆమెకు ప్రసవం చేశారు. నర్సుల నిర్లక్ష్యంతో గర్భిణి రోడ్డుపై ప్రసవించడంతో.. ఆమె కుటుంబ సభ్యులు తీవ్ర ఆగ్రహం వ్యక్తం చేశారు. ఆ సమయంలో విధుల్లో ఉన్న నర్సులపై కఠిన చర్యలు తీసుకోవాలని డిమాండ్ చేశారు. ఈ సంఘటనపై పూర్తి స్థాయి విచారణ జరిపించి చర్యలు తీసుకుంటామని ఉన్నతాధికారులు స్పష్టం చేశారు.

3233
Follow us on : Facebook | Twitter

More News

VIRAL NEWS

Featured Articles

Health Articles