కొద్దిసేపట్లో విడుదల కానున్న రాజ్యసభ ఎన్నికల నోటిఫికేషన్

Mon,March 5, 2018 10:23 AM

హైదరాబాద్: తెలంగాణకు చెందిన మూడు రాజ్యసభ స్థానాల కోసం జరగబోయే ఎన్నికల నోటిఫికేషన్‌ను ఇవాళ ఎలక్షన్ కమిషన్ విడుదల చేయనుంది. నామినేషన్ల దాఖలుకు ఈ నెల 12 చివరి తేదీ కాగా.. ఈనెల 23న పోలింగ్ ఉంటుంది. మార్చి 13 నుంచి నామినేషన్ల పరిశీలన ఉండగా.. మార్చి 15 వరకు నామినేషన్లను ఉపసంహరించుకోవడానికి ఎలక్షన్ కమిషన్ వెసులుబాటు కల్పించింది.


ఈ నెల 23న ఉదయం 9 నుంచి సాయంత్రం 4 వరకు పోలింగ్ ఉంటుంది. అదే రోజు సాయంత్రం 5 గంటలకు కౌంటింగ్ ప్రక్రియ ప్రారంభమవుతుంది. కాంగ్రెస్ ఎంపీ పాల్వాయి గోవర్ధన్ రెడ్డి గత సంవత్సరం జూన్ 9న అనారోగ్యం కారణంగా మరణించగా... రాపోలు ఆనంద భాస్కర్, సీఎం రమేష్ టర్మ్ ఏప్రిల్ 2 తో ముగియనుంది. దీంతో తెలంగాణలో మూడు రాజ్యసభ సీట్లు ఖాళీ అవనున్న సందర్భంగా వాటిని భర్తీ చేయడానికి ఎన్నికల కమిషన్ ఈ ప్రక్రియను ప్రారంభించింది.

300
Follow us on : Facebook | Twitter

More News

VIRAL NEWS

Featured Articles

Health Articles