అక్కడ ఒక్క టెర్రరిస్టూ లేడు.. అందరినీ ఏరేశారు!

Thu,January 24, 2019 03:00 PM

బారాముల్లా: జమ్ముకశ్మీర్‌లోని బారాముల్లా జిల్లా. ఒకప్పుడు ఇది ఉగ్రవాదుల అడ్డా. కానీ ఇప్పుడక్కడ ఒక్కడూ లేడు. ఈ విషయాన్ని రాష్ట్ర డీజీపీ దిల్‌బాగ్ సింగ్ వెల్లడించారు. బుధవారం జరిగిన ఎన్‌కౌంటర్‌లో ముగ్గురు లష్కరే తాయిబా టెర్రరిస్టులను కాల్చి చంపడంతో బారాముల్లా జిల్లాలో ఇక ఒక్క ఉగ్రవాది కూడా లేడు అని ఆయన తెలిపారు. జమ్ముకశ్మీర్‌లో ఉగ్రవాది లేని తొలి జిల్లాగా బారాముల్లా నిలిచింది. బారాముల్లాలోని బిన్నెర్ ప్రాంతంలో బుధవారం జరిగిన ఆపరేషన్‌లో సుహైబ్ ఫరూక్ అఖూన్, మోహసిన్ ముష్తాక్ భట్, నాసిర్ అహ్మద్ దర్జీ అనే ముగ్గురు ఉగ్రవాదులను భద్రతా దళాలు కాల్చి చంపాయి. మొదట ఆ ముగ్గురు ఉగ్రవాదులే కాల్పులు ప్రారంభించగా.. జవాన్లు దీటుగా స్పందించారు. బారాముల్లా ఉగ్రవాదులకు అడ్డాగా ఉండేది. 2018లోనే జమ్ముకశ్మీర్‌లోని మొత్తం 22 జిల్లాలకుగాను 12 జిల్లాల్లో 256 మంది మిలిటెంట్లను భద్రతా బలగాలు కాల్చి చంపాయి. అందులో దక్షిణ కశ్మీర్‌లోనే అత్యధికంగా 127 మంది ఉన్నారు. కశ్మీర్ లోయలో ఉగ్రవాదులకు ప్రధాన స్థావరమైన షోపియాన్‌లోనే 43 మంది ఉగ్రవాదులను హతమార్చారు.


2359
Follow us on : Facebook | Twitter

More News

VIRAL NEWS

Featured Articles

Health Articles