ముంబై: బాలీవుడ్లో ప్రముఖ క్రికెటర్ల బయోపిక్ సినిమాల పరంపర కొనసాగుతున్నది. ఇప్పటికే దిగ్గజ క్రికెటర్ సచిన్ టెండూల్కర్, మహమ్మద్ అజారుద్దీన్, ధోనీ జీవిత చరిత్రల నేపథ్యంలో సినిమాలు రూపుదిద్దుకోగా, తాజాగా ఈ జాబితాలో ప్రస్తుత బీసీసీఐ అధ్యక్షుడు సౌరభ్ గంగూలీ చేరిపోయాడు. తన జీవితకథ ఆధారంగా నిర్మించనున్న సినిమాకు దాదా కూడా గ్రీన్సిగ్నల్ ఇచ్చాడు. గంగూలీ బయోపిక్లో బాలీవుడ్ స్టార్ రణ్బీర్ కపూర్ హీరోగా నటించే అవకాశముంది.