అభివృద్ధికి @ ఎస్‌ఆర్‌రెడ్డి

నారాయణపేట, జనవరి 12 : ఎంతో వెనుకబడిన నియోజకవర్గాన్ని అన్ని రంగాల్లో అభివృద్ధికి కేరాఫ్‌ అడ్రస్‌గా ఎమ్మెల్యే ఎస్‌ఆర్‌రెడ్డి నిలుస్తున్నారని టీఆర్‌ఎస్‌ మున్సిపల్‌ ప్రజాప్రతినిధులు, నాయకులు అన్నారు. ఎమ్మెల్యే క్యాంప్‌ కార్యాలయంలో మంగళవారం ఏర్పాటు చేసిన విలేకరుల సమావేశంలో టీఆర్‌ఎస్‌ సీనియర్‌ నాయకుడు చంద్రకాంత్‌, మున్సిపల్‌ వైస్‌ చైర్మన్‌ హరినారాయణ భట్టడ్‌, టీఆర్‌ఎస్‌ పట్టణ అధ్యక్షుడు రాజవర్ధన్‌రెడ్డి, నియోజకవర్గ యువజన నాయకుడు శ్రీపాద్‌ మాట్లాడుతూ ఈ ప్రాంత ప్రజల ఆకాంక్షకు అనుగుణంగా సీఎం కేసీఆర్‌ను ఒప్పించి నారాయణపేటను జిల్లాగా చేసిన ఘనత ఎమ్మెల్యేదేనని అన్నారు. అంతర్రాష్ట్ర రహదారి అభివృద్ధికి రూ.20కోట్ల వ్యయంతో డబుల్‌ రోడ్డుగా మార్చి, ప నులు చేయిస్తున్నాడన్నారు. నిరుద్యోగులకు ఉద్యోగ అవకాశాలు కల్పించేందుకు అంత్వార్‌ సమీపంలో 300 ఎకరాల్లో ఇండస్ట్రీయల్‌ పార్క్‌ ఏర్పాటుకు కృషి చేస్తున్నామన్నారు. ఇంత అభివృద్ధి చేస్తుంటే బీజేపీ నా యకులు కలెక్టరేట్‌ ముట్టడి పేరుతో తమ ఎమ్మెల్యేపై విమర్శలు చేయడం సరికాదన్నారు. కార్యక్రమంలో పీఏసీసీఎస్‌ చైర్మన్‌ డాక్టర్‌ కె.నర్సింహారెడ్డి, వైస్‌ చైర్మన్‌ విజయ్‌కుమార్‌, ఏఎంసీ వైస్‌ చైర్మన్‌ జగదీశ్‌, కౌన్సిలర్లు, నా యకులు పాల్గొన్నారు.