సోమవారం 08 మార్చి 2021
Narayanpet - Nov 19, 2020 , 03:29:00

కొనుగోలు కేంద్రాల్లోనే విక్రయించాలి

కొనుగోలు కేంద్రాల్లోనే విక్రయించాలి

  • కలెక్టర్‌ హరిచందన

నారాయణపేట టౌన్‌: ప్రభుత్వం ఏర్పాటు చేసిన కొనుగోలు కేంద్రాల్లోనే రైతులు ధాన్యాన్ని విక్రయించాలని కలెక్టర్‌ హరిచందన సూచించారు. బుధవారం పట్టణంలోని వ్యవసాయ మార్కెట్‌ యార్డులో మెప్మా ఆధ్వర్యంలో ఏర్పాటు చేసిన వరి కొనుగోలు కేంద్రాన్ని కలెక్టర్‌ తనిఖీ చేశారు. విత్తన తేమ మీటర్‌తో ధాన్యం తేమ శాతాన్ని పరిశీలించారు. ధాన్యం సేకరణ, రైతులకు అందుతున్న వసతులను అడిగి తెలుసుకున్నారు. అనంతరం కలెక్టర్‌ మట్లాడుతూ జిల్లాలో 1.33లక్షల క్వింటాళ్ల ధాన్యం రావాల్సి ఉండగా ఇప్పటివరకు మూడువేల క్వింటాళ్లు కొనుగోలు చేసినట్లు తెలిపారు. కొనుగోలు కేంద్రాల్లో ధాన్యం విక్రయించి ప్రభుత్వం అందిస్తున్న మద్దతు ధరను పొందాలని సూచించారు. ఈ సందర్భంగా మహిళా స్వయం సహాయక సంఘం సభ్యులు కలెక్టర్‌కు మొక్కను అందజేశారు. కలెక్టర్‌ వెంట మెప్మా పీడీ కృష్ణమాచారి, సివిల్‌ సైప్లె అధికారి శివప్రసాద్‌రెడ్డి, డీఎం హథిరాం, ఏడీఎంసీ శేషన్న, టీఎంసీ లక్ష్మీ, టీఆర్‌ఎస్‌ నాయకులు గందె చంద్రాకాంత్‌, మార్కెట్‌ కమిటీ మాజీ డైరెక్టర్‌ కన్నా జగదీశ్‌ తదితరులు ఉన్నారు. 

చిన్నజట్రంలో..

నారాయణపేట రూరల్‌ : మండలంలోని చిన్నజట్రంలో  వరి కొనుగోలు కేంద్రాన్ని కలెక్టర్‌ హరిచందన బుధవారం తనిఖీ చేశారు. అనంతరం రైతులు తీసుకొచ్చిన ధాన్యం తేమ శాతాన్ని పరిశీలించారు. ప్రభుత్వం కల్పిస్తున్న అవకాశాన్ని రైతులు సద్వినియోగం చేసుకోవాలన్నారు. కలెక్టర్‌ వెంట మెప్మా పీడీ కృష్ణమాచారి, డీఎస్‌వో శివప్రసాద్‌రెడ్డి, డీఎం హథిరాం, డీఎంసీ శేషు, లక్ష్మి, జ్యోతి ఉన్నారు.

VIDEOS

logo