గోడ కూలి చిన్నారి మృతి

నారాయణపేట : నిర్మాణంలో ఉన్న గోడ పక్కనే ఉన్న పెంకుటిల్లుపై కూలడంతో ఓ చిన్నారి మృతి చెందిన సంఘటన ఆదివారం చోటు చేసుకున్నది. ఎస్సై చంద్రమోహన్‌రావు కథనం ప్రకారం.. పట్టణంలోని 16వ వార్డులో నిర్మాణంలో ఉన్న ఇంటి గోడ పక్కనే ఉన్న నగేశ్‌ పెంకుటిల్లుపై పడింది. దీంతో ఆ ఇంట్లో ఉన్న 3 నెలల చిన్నారికి, ఆయన భార్య కవిత, కుమారుడు రాకేశ్‌లకు గాయాలయ్యాయి. చిన్నారిని చికిత్స నిమిత్తం మహబూబ్‌నగర్‌ దవాఖానాకు తరలిస్తుండగా మార్గ మధ్యంలోనే చనిపోయినట్లు ఎస్సై తెలిపారు. నగేశ్‌ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు