గీత కార్మికుడికి మాజీ ఎంపీ బూర పరామర్శ

మునుగోడు, జనవరి 2 : మండలంలోని రాజీవ్‌నగర్‌లో ఇటీవల తాటిచెట్టు పైనుంచి పడి తీవ్రంగా గాయపడిన మాదగోని యాదయ్య గౌడ్‌ను మాజీ ఎంపీ బూర నర్సయ్యగౌడ్‌ శనివారం పరామర్శించారు. స్వతహాగా వైద్యుడైన బూర పలు మెడికల్‌ రిపోర్టులను పరిశీలించి యాదయ్య ఆరోగ్య పరిస్థితిని తెలుసుకున్నారు. అనంతరం రూ.6 వేల సాయం అందించారు. కార్యక్రమంలో ఎంపీపీ కర్నాటి స్వామి, చం డూరు జడ్పీటీసీ కర్నాటి వెంకటేశం, టీఆర్‌ఎస్‌ రాష్ట్ర నాయకుడు నారబోయిన రవి, మండలాధ్యక్షుడు బండా పురుషోత్తంరెడ్డి, వైస్‌ ఎంపీపీ అనం త వీణ,   కో-ఆప్షన్‌ సభ్యుడు ఎండీ. రఫీక్‌, జిల్లా నాయకుడు వేమిరెడ్డి జితేందర్‌రెడ్డి, జెట్టి గణేశ్‌, బీసం విజయ్‌, శంకర్‌ పాల్గొన్నారు.