కొత్త జోనల్ వ్యవస్థ తెలంగాణ సాధించిన విజయం
మంత్రి కేటీఆర్ ట్వీట్
హైదరాబాద్, ఏప్రిల్ 21 (నమస్తే తెలంగాణ): కొత్త జోనల్ వ్యవస్థ అమలుకు కేంద్రం ఆమోదం తెలపటం తెలంగాణ ప్రభుత్వం సాధించిన గొప్ప విజయమని ఐటీ, పురపాలకశాఖల మంత్రి కే తారకరామారావు పేర్కొన్నారు. కొత్త జోనల్ వ్యవస్థ ద్వారా ప్రభుత్వ ఉద్యోగాల్లో 95 శాతం స్థానిక యువతకే అవకాశం దక్కుతుండటం సంతోషంగా ఉన్నదని తెలిపారు. తెలంగాణ యువత తన హక్కును సాధించుకున్నదని అభిప్రాయపడ్డారు. ఈ మేరకు బుధవారం ట్వీట్ చేశారు.