లండన్: బ్రిటన్ ప్రధాని బోరిస్ జాన్సన్ కరోనా వ్యాక్సిన్ తీసుకున్నారు. గతంలో కరోనా బారినపడిన ఆయన శుక్రవారం ఆస్ట్రాజెనెకా టీకా మొదటి డోసు తీసుకున్నారు. ‘నేను ఆక్స్ఫర్డ్ యూనివర్సిటీ తయారుచేసిన ఆస్ట్రాజెనెకా వ్యాక్సిన్ మొదటి డోసు తీసుకున్నాను. వ్యాక్సిన్ సాకారమయ్యేలా దోహదపడిన శాస్త్రవేత్తలు, ఎన్హెచ్ఎస్ సిబ్బంది, వాలంటీర్లందరికి ధన్యవాదాలు. వ్యాక్సిన్ తీసుకోవడం చాలా మంచిది’ అని బోరిస్ ట్వీట్ చేశారు.
బ్రిటన్ ప్రధాని గతేడాది కరోనా బారినపడిన విషయం తెలిసిందే. 2020 ఏప్రిల్ నెలలో సెయింట్ థామస్ దవాఖానలో చికిత్స తీసుకున్నారు. కాగా, తాను ఆస్ట్రాజెనెకా వ్యాక్సిన్ తీసుకుంటానని జర్మనీ చాన్సలర్ ఏంజెలా మెర్కెల్ ప్రకటించారు. కరోనా వైరస్ను కట్టడిచేయడానికి ప్రభుత్వం వ్యాక్సినేషన్ ప్రక్రియను ముమ్మరంగా చేపడుతుందని ఆమె వెల్లడించారు. ఆస్ట్రాజెనెకా వ్యాక్సిన్ తీసుకున్నవారిలో రక్తం గడ్డకట్టడంతో యూరప్లోని చాలా దేశాలు టీకా వినియోగాన్ని తాత్కాలికంగా నిలిపివేశాయి.