బుధవారం 27 జనవరి 2021
Mulugu - Sep 24, 2020 , 05:41:25

బారికేడ్ల నిర్మాణం షురూ

బారికేడ్ల నిర్మాణం షురూ

ములుగు, సెప్టెంబర్‌23: జిల్లా కేంద్రంలో ఇటీవల చేపట్టిన జాతీయ రహదారి విస్తరణ పనుల్లో భాగంగా రోడ్డుకు ఇరువైపులా ఏర్పాటు చేయనున్న బారికేడ్ల పనులు బుధవారం పునఃప్రారంభమయ్యాయి. రెండు నెలల క్రితం పనులు ప్రారంభించిన సమయంలో వాటి ఏర్పాటును నిలిపివేయాలని వ్యాపారులు కలెక్టర్‌కు విన్నవించగా పనులు ఆగిపోయాయి. ప్రతి మూడు దుకాణాలకు ఒక ప్రవేశం ఏర్పాటు చేస్తూ పనులు ప్రారంభించాలని ప్రస్తుతం కలెక్టర్‌ ఆదేశించడంతో ఆ దిశగా పనులు జరుగుతున్నాయి.

ఇప్పటికీ కొందరు వ్యాపారస్తులు తమ షాపు ముందు ఎంట్రెన్స్‌ ఉండాలంటూ వర్కర్లతో గొడవకు దిగుతూ పనులకు ఆటంకాలు కలిగిస్తున్నారు. జాతీయ రహదారిపై రోడ్డు ప్రమాదాలు జరుగకుండా ముందస్తు చర్యల్లో భాగంగా కేంద్ర ప్రభుత్వం బారికేడ్లను ఏర్పాటు చేస్తుండగా వ్యాపారస్తులు ఆటంకాలు కలిగించడంపై ప్రజలు ఆగ్రహం వ్యక్తం చేస్తున్నారు.


logo