మంగళవారం 02 మార్చి 2021
Medchal - Jan 19, 2021 , 23:18:48

పేదల సంక్షేమానికి పెద్దపీట

 పేదల సంక్షేమానికి పెద్దపీట

కీసర, జనవరి 19 : పేదల సంక్షేమానికి తెలంగాణ ప్రభుత్వం అనేక సంక్షేమ పథకాలను అమలు చేస్తున్నదని కార్మికశాఖ మంత్రి చామకూర మల్లారెడ్డి అన్నారు. మండల పరిధిలోని తిమ్మాయిపల్లి గ్రామానికి చెందిన నర్సింహకు సీఎం రిలీఫ్‌ ఫండ్‌ కింద రూ.41వేల చెక్కును మంగళవారం మంత్రి ఆయన నివాసంలో అందజేశారు. ఈ సందర్భంగా మంత్రి మాట్లాడుతూ సీఎం సహాయనిధి కింద ఎంతో మంది పేదలు లబ్ధి పొందుతున్నారన్నారు. పేద ప్రజలకు సీఎం రిలీఫ్‌ ఫండ్‌ గొప్ప వరమని చెప్పారు.కార్యక్రమంలో తిమ్మాయిపల్లి సర్పంచ్‌ పెంటయ్య, టీఆర్‌ఎస్‌ నేతలు నాయకపు వెంకటేశ్‌ముదిరాజ్‌, కందాడి అమరేందర్‌రెడ్డి పాల్గొన్నారు. 

 పలు సమస్యలపై మంత్రికి వినతి.. 

  కీసర మండల పరిధిలోని గ్రామాల సర్పంచులు మంగళవారం మంత్రి మల్లారెడ్డిని ఆయన నివాసంలో కలిసి పలు సమస్యలను విన్నవించారు. స్పందించిన మంత్రి మాట్లాడుతూ ప్రభుత్వం గ్రామ అభివృద్ధికి పలు శాఖలకు సంబంధించి నిధులను మంజూరు చేస్తున్నదని తెలిపారు. గ్రామాల్లో ఎన్ని పనులైనా చేసుకోవడానికి ఆస్కారం ఉందని, దాతల నుంచి నిధులను సేకరించుకొని సమస్యల కోసం ఉపయోగించుకోవాలని సూచించారు. మంత్రిని కలిసిన వారిలో సర్పంచ్‌లు మాధురి వెంకటేశ్‌, మహేందర్‌రెడ్డి, ధర్మేందర్‌, పెంటయ్య, రాజుముదిరాజ్‌, కవితాజైహింద్‌రెడ్డి, సత్తమ్మ, ఆండాలుమల్లేశ్‌, గోపాల్‌రెడ్డితో టీఆర్‌ఎస్‌ నేతలు వెంకటేశ్‌ ముదిరాజ్‌, మల్లేశ్‌ పాల్గొన్నారు. 


VIDEOS

logo