బుల్లితెరపై తనదైన పంచ్లతో ప్రేక్షకులకు వినోదం పంచే యాంకర్స్లో రవి ఒకరు. ఎన్నో ఏళ్లుగా ఇండస్ట్రీలో ఉన్న రవి యాంకర్గానే కాక నటుడిగాను అలరించాడు. పలు సినిమాలలో హీరోగా నటించి వెండితెరపై కూడా సత్తా చాటాడు. అయితే కొన్నాళ్ల వరకు తన ఫ్యామిలీ విషయాలను సీక్రెట్గా ఉంచిన యాంకర్ రవి కొన్ని నెలల క్రితమే రివీల్ చేశాడు. తనకు భార్య , కూతురు వియా ఉందని సోషల్ మీడియా ద్వారా తెలియజేశాడు.
సోషల్ మీడియాలో యాక్టివ్గా ఉండే రవి ఇటీవల తన ఫ్యామిలీకి సంబంధించి పోస్ట్లు ఎక్కువగా పెడుతూ నెటిజన్స్ను ఎంటర్టైన్ చేస్తున్నాడు. తాజాగా తన గారాల పట్టి కోసం చికెన్ వండిన వీడియోని షేర్ చేశాడు. వియా చికెన్ కావాలని అడగడంతో స్వయంగా వండి చిన్నారికి తినిపించానని చెప్పిన రవి, స్పైసీ లేకుండా చికెన్ వండినట్టు పేర్కొన్నాడు. కూతురిపై రవి చూపిస్తున్న ప్రేమకు నెటిజన్లు ఫిదా అవుతున్నారు . ఇదిలా ఉంటే యాంకర్ రవి బిగ్ బాస్ సీజన్ 5 కార్యక్రమంలో పాల్గొనబోతున్నట్టు జోరుగా ప్రచారం జరుగుతున్న విషయం తెలిసిందే. ఇందులో ఎంత నిజం ఉందనేది తెలియాల్సి ఉంది.