ఉప్పెన సినిమాతో బ్లాక్బస్టర్ విజయాన్ని అందుకున్న వైష్ణవ్ తేజ్ టాలీవుడ్లో సరికొత్త రికార్డ్ సృష్టించాడు. ఈ సినిమా విడుదలైన 25 రోజుల తర్వాత కూడా మంచి కలెక్షన్స్ రాబడుతుంది. కొత్త సినిమాలన్నీ బాక్సాఫీస్ దగ్గర ఫ్లాప్ అవ్వడంతో మరో ఆప్షన్ లేక ప్రేక్షకులు కూడా ఉప్పెన వైపు కదులుతున్నారు. ఫిబ్రవరి 12న విడుదలైన ఈ చిత్రం ఇప్పటి వరకు వరల్డ్ వైడ్ గా 50.77 కోట్లు షేర్ రాబట్టింది.
ఉప్పెన చిత్రం ఇంత మంచి విజయం సాధించడంతో పాటు తొలి సినిమాలోనే తన నటనతో ఆకట్టుకున్న వైష్ణవ్ తేజ్కు మెగాస్టార్ చిరంజీవి సర్ప్రైజింగ్ గిఫ్ట్ ఇచ్చారు. మేనమామ నుండి సర్ప్రైజ్ గిఫ్ట్ అందుకున్న వైష్ణవ్ తేజ్ ఫొటోని షేర్ చేస్తూ ఈ విషయాన్ని తెలియజేశాడు. ప్రస్తుతం ఈ పిక్ సోషల్ మీడియాలో చక్కర్లు కొడుతుంది.