పెళ్లి వేడుకలో స్క్రీన్‌పై జీహెచ్‌ఎంసీ ఫలితాలు..

జీహెచ్‌ఎంసీ ఫలితాలపై సర్వత్రా ఉత్కంఠ నెలకొంది. మంచిర్యాల జిల్లా కేంద్రంలోని కాలేజ్‌రోడ్‌లోగల పద్మనాయక ఫంక్షన్‌ హాల్‌లో శుక్రవారం సుమతి-విజయ్‌కుమార్‌ వివాహం జరిగింది. ఇక్కడ ఏర్పాటు చేసిన ప్రొజెక్టర్‌లో వివాహ వేడుకలు కాకుండా.. జీహెచ్‌ఎంసీ ఫలితాలను చూపించడంతో అతిథులంతా ఆసక్తిగా తిలకించారు. ఎక్కడ చూసినా ఏ పార్టీ గెలుస్తది ? ఏ పార్టీకి ఎన్ని సీట్లు వస్తాయి? మేయర్‌ పీఠం ఎవరికి దక్కుతుంది ? అన్న చర్చ సాగింది.    - మంచిర్యాల ఫొటోగ్రాఫర్‌