గురువారం 29 అక్టోబర్ 2020
Mancherial - Feb 26, 2020 , 03:49:19

‘సహకారం’ ఏకగ్రీవం..

 ‘సహకారం’ ఏకగ్రీవం..

నిర్మల్‌ ప్రధాన ప్రతినిధి, నమస్తే తెలంగాణ: ఉమ్మడి ఆదిలాబాద్‌ జిల్లాలో కారు జోరు కొనసాగుతుండగా.. తాజాగా జరిగిన సహకార ఎన్నికల్లోనూ గులాబీదే గుత్తాధిప త్యం నడుస్తోంది. ఇటీవల జరిగిన పీఏసీఎస్‌ ఎన్నికల్లో తిరుగులేని మెజార్టీతో దూ సుకుపోగా.. తాజాగా డీసీసీబీ, డీసీఎంఎస్‌ ఎన్నికల్లోనూ టీఆర్‌ఎస్‌ మద్దతుదారులు పూర్తి ఆధిపత్యం సాధించారు. పీఏసీఎస్‌ ఎన్నికల్లో 95 శాతానికిపైగా డైరెక్టర్‌ పదవులను దక్కించుకోగా 77 పీఏసీఎస్‌లకు 72 పీఏసీఎస్‌లను టీఆర్‌ఎస్‌ మద్దతుదారులు దక్కించుకున్నారు. తాజాగా మంగళవారం డీసీసీబీ, డీసీఎంఎస్‌ డైరెక్టర్‌ పదవులకు నామినేషన్లు స్వీకరించారు. జిల్లా లో 20 డీసీసీబీ డైరెక్టర్లకు, పది డీసీఎంఎ స్‌ డైరెక్టర్‌ పదవులకు నామినేషన్లు స్వీకరించగా.. 18 డీసీసీబీ డైరెక్టర్‌ పదవులకు, 10 డీసీఎంఎస్‌ డైరెక్టర్‌ పదవులకు సింగిల్‌ నా మినేషన్లు వచ్చాయి. మరో రెండు డైరెక్టర్‌ పదవులకు ఒక్క నామినేషన్‌ కూడా రాలే దు. ఎస్సీ కోటాలోని రెండు డైరెక్టర్‌ పదవులకు.. సంబంధిత రిజర్వేషన్‌ అభ్యర్థులు లేకపోవడంతో వీటిని వాయిదా వేశారు. 18 డీసీసీబీ, 10 డీసీఎంఎస్‌ డైరెక్టర్‌ పదవులకు టీఆర్‌ఎస్‌ మద్దతుదారులే నామినేషన్‌ వేయగా.. అవి రిజర్వేషన్ల ప్రకారం సంఖ్యకు అనుగుణంగా నామినేషన్లు వే యడంతో ఏకగ్రీవమైనట్లు ఎన్నికల అధికారులు ప్రకటించారు. ఈ లెక్కన డీసీసీబీ, డీసీఎంఎస్‌ సంబంధించి 28 డైరెక్టర్‌ పో స్టులను టీఆర్‌ఎస్‌ పార్టీ మద్దతుదారులు ఏకపక్షంగా దక్కించుకున్నారు.


ఏకగ్రీవంతో ఎన్నిక లేనట్టే.. 

పీఏసీఎస్‌లలో చైర్మన్లుగా కాంగ్రెస్‌ పార్టీ మద్దతుదారులు ఇద్దరు, బీజేపీ మద్దతుదారులు ముగ్గురు గెలువగా.. డీసీసీబీ, డీసీఎంఎస్‌ డైరెక్టర్‌ పోస్టులకు మెజార్టీ అసలే లేకుండాపోయింది. దీంతో తాజాగా కాం గ్రెస్‌, బీజేపీల నుంచి డీసీసీబీ, డీసీఎంఎస్‌ డైరెక్టర్‌ పోస్టులకు నామినేషన్లు వేయలేదు. 28 డైరెక్టర్‌ పోస్టులకు టీఆర్‌ఎస్‌ మద్దతుదారులే నామినేషన్లు దాఖలు చేశారు. డీసీసీబీ, డీసీఎంఎస్‌ డైరెక్టర్‌ పోస్టులను ఏకపక్షంగా, ఏకగ్రీవంగా టీఆర్‌ఎస్‌ మద్దతుదారులు దక్కించుకోవడంతో ఈనెల 29న జరిగే డీసీసీబీ చైర్మన్‌, వైస్‌ చైర్మన్‌, డీసీఎంఎస్‌ చైర్మన్‌, వైస్‌ చైర్మన్‌ పదవులను కూడా టీఆర్‌ఎస్‌ మద్దతుదారులే దక్కించుకోనున్నారు. ఈనెల 28న డీసీసీబీ డైరెక్టర్ల కో సం ఎన్నికలు నిర్వహించాల్సి ఉండగా.. రి జర్వేషన్ల సంఖ్య ప్రకారమే నామినేషన్లు రావడంతో 28 డైరెక్టర్‌ పోస్టులు ఏకగ్రీవమయ్యాయి. దీంతో 28న డీసీసీబీ డైరెక్టర్ల ఎన్నిక లేకుండా పోయింది. ఈ నెల 29న డీసీసీబీ చైర్మన్‌, వైస్‌ చైర్మన్‌, డీసీఎంఎస్‌ చైర్మన్‌, వైస్‌ చైర్మన్‌ పదవులకు ఎన్నికలు నిర్వహించనున్నారు. ఈ పదవులకు ఈ నెల 29న నామినేషన్లు స్వీకరించి ఎన్నిక నిర్వహించాల్సి ఉండగా.. టీఆర్‌ఎస్‌ మద్దతుదారులకే మెజార్టీ ఉంది. కాంగ్రెస్‌, బీజే పీ నుంచి డైరెక్టర్లు లేకపోవడంతో టీఆర్‌ఎ స్‌ మద్దతుదారులే చైర్మన్‌, వైస్‌ చైర్మన్‌ పదవులను ఏకపక్షంగా, ఏకగ్రీవంగా దక్కించుకోనున్నారు. ఈ లెక్కన డీసీసీబీ, డీసీఎంఎస్‌ డైరెక్టర్లతోపాటు చైర్మన్‌, వైస్‌ చైర్మన్‌ పదవులు గంపగుత్తగా గులాబీ ఖాతాలో పడినట్లే.


డీసీసీబీ, డీసీఎంఎస్‌ చైర్మన్‌ పదవులకు అ భ్యర్థులు ఎవరనే విషయంపై మంత్రి అల్లో ల ఇంద్రకరణ్‌రెడ్డి దృష్టి సారించారు. ఉ మ్మడి ఆదిలాబాద్‌ జిల్లాలోని మిగతా తొ మ్మిది మంది ఎమ్మెల్యేలు, ఎంపీ, ఎమ్మె ల్సీ, జడ్పీ చైర్మన్లతోపాటు ఇతర ముఖ్య ప్రజాప్రతినిధుల అభిప్రాయాన్ని సేకరిస్తున్నారు. ఇప్పటికే నాలుగు జిల్లాల ఎమ్మెల్యేలు, ప్రజాప్రతినిధులతో మంత్రి సమావేశమై చర్చించారు. పదవులు ఎవరికి ఇస్తే బా గుంటుందని అందరి అభిప్రాయాలను ప రిగణలోకి తీసుకుంటున్నారు. అందరి అ భిప్రాయాన్ని సేకరించి.. మెజార్టీ స భ్యుల మద్దతు మేరకే పేర్లను రాష్ట్ర నాయకత్వాని కి పంపాలని నిర్ణయించారు. ఏకాభిప్రాయంతోనే అభ్యర్థుల పేర్లను రాష్ట్ర నాయకత్వానికి ప్రతిపాదించాలని భావిస్తున్నారు. ఇప్పటికే ప్రాథమికంగా కసరత్తు పూర్తవగా తుది పేర్లపై దృష్టి పెట్టినట్లు సమాచారం. జిల్లా నుంచి పేర్లను రాష్ట్ర నాయకత్వానికి పం పాక అభ్యర్థి ఎవరనేది సీఎం కేసీఆర్‌, టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ తుది నిర్ణయం తీసుకోనున్నారు. ఆ మేరకు ఈ నెల 29లోపు అభ్యర్థులు ఎవరనేది అధిష్టానం పేర్లను ప్రకటించనుంది. ఆ ప్రకారమే ఈనెల 29న అభ్యర్థులు నామినేష న్లు వేయనున్నారు. ఈ ఎన్నికలు కూడా ఏకగ్రీవం కానున్నాయి.


మందమర్రి : ప్రజల భాగస్వామ్యంతోనే పట్టణం ప్రగతి సాధిస్తుందని ప్రభుత్వ విప్‌ బాల్క సుమన్‌ అన్నారు. మంగళవారం పెద్దపల్లి ఎంపీ బోర్లకుంట వెంకటేశ్‌ నేతకాని, కలెక్టర్‌ భారతి హోళికేరి, రామగుండం సీపీ సత్యనారాయణతో కలిసి మందమర్రిలో పట్టణ ప్రగతి కార్యక్రమాన్ని ప్రారంభించారు. ఈ సందర్భంగా 14వ వార్డులో ఏర్పాటు చేసిన సమావేశంలో సుమన్‌ మాట్లాడారు. పట్టణాలను సమగ్రంగా అభివృద్ధి చేసి ప్రజలకు ఆరోగ్యకర వాతావరణం కల్పించాలనే ఉద్దేశ్యంతో సీఎం కేసీఆర్‌ పట్టణ ప్రగతికి శ్రీకారం చుట్టారని పేర్కొన్నారు. పల్లె ప్రగతితో గ్రామాల్లో పలు సమస్యలు పరిష్కారమయ్యాయనీ, ఇదే స్ఫూర్తితో పట్టణాల్లో రూపురేఖలు మారాలన్నారు. మున్సిపాలిటీలతో పాటు వార్డుల్లో ఉన్న సమస్యలను తెలుసుకుని వాటికి అనుగుణంగా ప్రణాళికలను రూపొందించాలని సీఎం చెప్పారని పేర్కొన్నారు. కేసీఆర్‌ ఆదేశాల మేరకు మొదట పారిశుధ్యం, పచ్చదనంపై దృష్టిపెట్టాలన్నారు. గ్రామాల అభివృద్ధికి రాష్ట్రంలోని 12,751 గ్రామాలకు ప్రతి నెల ప్రభుత్వం రూ.339 కోట్ల నిధులను విడుదల చేస్తుందన్నారు. 


అలాగే రాష్ట్రంలో 13 కార్పొరేషన్‌లతో కలుపుకుని 140 మున్సిపాలిటీలు ఉన్నాయని మున్సిపాలిటీల అభివృద్ధికి రూ.148 కోట్లు విడుదల చేస్తుందని అందులో భాగంగానే మందమర్రి మున్సిపాలిటీకి మొదటి విడిత రూ.49 లక్షలు మంజూరు చేసిందని తెలిపారు. వార్డులలో ప్రత్యేక అధికారులు, కమీటీల సభ్యులతో పాటు ప్రజలు భాగస్వాములై పట్టణాన్ని సమస్యలు లేని పట్టణంగా తీర్చిదిద్దాలని సుమన్‌ పిలుపునిచ్చారు. సమావేశంలో డీసీపీ ఉదయ్‌కుమార్‌రెడ్డి, ఎంపీపీ గుర్రం మంగ, జడ్పీటీసీ వేల్పుల రవి, మున్సిపల్‌ కమిషనర్‌ గద్దె రవి, మందమర్రి సీఐ ఎడ్ల మహేశ్‌, వార్డు కమిటీ సభ్యులు, టీఆర్‌ఎస్‌ నాయకులు తదితరులు పాల్గొన్నారు.



logo