లండన్: రష్యా స్టార్ టెన్నిస్ ప్లేయర్ డానిల్ మద్వెదెవ్ ఏటీపీ ర్యాంకింగ్స్లో రెండో స్థానానికి దూసుకొచ్చాడు. సోమవారం వెల్లడైన తాజా ర్యాంకింగ్స్లో అతడు స్పెయిన్ బుల్ రఫేల్ నాదల్ను వెనక్కినెట్టాడు. ‘బిగ్-4’నొవాక్ జొకోవిచ్, నాదల్, రోజర్ ఫెదర్, ఆండీ ముర్రే కాకుండా వేరే ఆటగాడు రెండో ర్యాంకుకు రావడం పదిహేనేండ్లలో ఇదే తొలిసారి. ఆ నలుగురు కాకుండా 2005 జూలైలో లెయిటన్ హెవిట్ చివరిసారి రెండో స్థానంలో నిలువగా.. ఇప్పుడు డానిల్ చేరుకున్నాడు. కాగా ఈ ఏడాది ఆస్ట్రేలియన్ ఓపెన్ ఫైనల్లో టాప్ ర్యాంకర్ జొకో చేతిలో ఓడిన మెద్వెదెవ్.. ఇటీవల ఓపెన్ 13 టోర్నీలో విజేతగా నిలిచాడు.