పచ్చందనమే పచ్చదనమే.. పచ్చిక నవ్వుల పచ్చదనమే’ అంటూ ‘సఖీ’ కోసం వేటూరి రాసిన ఆ గీతం పచ్చదనాన్ని, పచ్చిక బయళ్ల తీరును, వాటి వికాసాన్ని చాలా అందంగా, ఆహ్లాదకరంగా, హృదయానికి హత్తుకునేలా వర్ణించారు. అంటే పచ్చదనం ప్రతి ఒక్కరినీ అంతలా ఆకట్టుకుంటుందన్న మాట, మది మదినీ తడుముతోందని చాలా సుకుమారంగా చెప్పారు. ప్రస్తుతం ఆ పచ్చదనమే శంషాబాద్ ఎయిర్పోర్టును ఆకాశానికి ఎత్తి చూపుతోంది.
ప్రకృతి రమణీయతకు నిలయంగా మొక్కలు, అందమైన పూలు పరిమళాలను వెదజల్లుతూ, మనసును దోచే పచ్చని వాతావరణంతో పర్యాటకులను ఇట్లే.. ఆకట్టుకుంటోంది శంషాబాద్ గ్రీనరి. అత్యాధునిక హంగులతో విశి ష్ట సేవల ద్వారా విశ్వఖ్యాతిని సొంతం చేసుకున్నది.. శం షాబాద్ అంతర్జాతీయ విమానాశ్రయం. కాగా, మానవ మేధ సృజించిన గ్రీన్ ఫీల్డ్ ఎయిర్పోర్టు గ్రీనరి అత్యద్భుత కళా ఖండం. అద్వితీయ పచ్చ‘ధనం’ హరితశోభితం. పచ్చని చెట్లు.. పూల మొక్కలు… వృక్ష సంపదకు కొదవలేని విధంగా ప్రకృతి సౌందర్యాలతో ఆహ్లాదాన్నిచ్చే పచ్చ దనంతో నిండిన పచ్చని సీమ అది. అక్కడ అడుగిడి విహరించడమే కాదు, ఆ ప్రదే శం అందాలను వీక్షించడంలోనూ ఓ అంతులేని మధురానుభూతి ఉంది. అదే విధంగా సీతాకోక చిలుకల వనం అక్కడ ఓ ప్రత్యేక ఆకర్షణగా ఉంది.
ఎయిర్పోర్టులో ఐదెకరాల నర్సరీ ఉంది. అందు లో రెండువేల మీటర్లకు పైగా విస్తీర్ణంలో వెంటిలేటెడ్ పాలిహౌజ్ను ఏర్పాటు చేశారు. గ్రీన్ హౌజ్లు కూడా ఉన్నా యి. 15 వేల పూల మొక్కలున్నాయి. ప్రస్తుతం, సుమారు 60 నుంచి 70 వేల మొక్కలు పెంచుతున్నారు. వీటికి అవసరమైన నీటి వ్యవస్థను సెమీ ఆటోమేటెడ్ నుంచి ఆటోమేటెడ్కు మార్చారు. ఎయిర్పోర్టులో 8.4 కిలోమీటర్ల మేర ఉన్న అప్రోచ్ రోడ్ల (ప్రధాన రహదారులు)కు ఇరువైపులా ఉన్న చెట్లకు అందించే నీటి వినియోగాన్ని నియంత్రిస్తున్నారు. ఈ చెట్లకు నీటి వినియోగం చాలా తక్కువ. ఇక్కడ పనిచేసే సిబ్బందికి నిపుణులు మొక్కల పెంపకం, నీటి వినియోగంపై ప్రత్యేక శిక్షణ ఇస్తారు.
శంషాబాద్ రాజీవ్గాంధీ ఇంటర్నేషనల్ ఎయిర్పోర్టుకు ఏసీఐ (ఎయిర్పోర్ట్సు కౌన్సిల్ ఇంటర్నేషనల్) ప్రతిష్టాత్మక కార్బన్ నేచురాలిటీ సర్టిఫికెట్ లభించింది. ఖతర్లోని దోహాలో జరిగిన ఏసీఐ (ఎయిర్పోర్ట్సు కౌన్సిల్ ఇంటర్నేషనల్)లో శంషాబాద్ ఎయిర్పోర్టుకు లభించిన కార్బన్ నేచురాలిటీ (లేవల్ 3+నేచురాలిటీ) సర్టిఫికెట్ను ఏసీఐ ఏసియా-పసిఫిక్ అధ్యక్షురాలు కెర్లీ మాథర్ అందజేశారు. – శంషాబాద్ ఎయిర్పోర్టు సీఈఓ, ప్రదీప్ ఫణికర్