న్యూఢిల్లీ: మంచి వేగం, బౌన్స్, పదునైన స్వింగ్ను కొనసాగిస్తూ సుదీర్ఘ స్పెల్స్ వేసే సామర్థ్యం హైదరాబాదీ పేసర్ మహమ్మద్ సిరాజ్కు ఉందని, అందుకే అతడు అత్యంత ప్రమాదకర పేసర్ అని భారత దిగ్గజం వీవీఎస్ లక్ష్మణ్ అభిప్రాయపడ్డాడు. తన స్వింగ్తో బ్యాట్స్మన్ను బోల్తా కొట్టించి వికెట్లు తీసే సత్తా సిరాజ్కు ఉందని గురువారం ఓ ఇంటర్వ్యూలో లక్ష్మణ్ చెప్పాడు. ఆస్ట్రేలియా గడ్డపై టెస్టు సిరీస్లో అద్భుత ప్రదర్శన చేసి టీమ్ఇండియా గెలుపులో కీలకపాత్ర పోషించిన సిరాజ్పై మాజీలు ప్రశంసల వర్షం కురిపిస్తుండగా.. తాజాగా లక్ష్మణ్ సైతం అతడి సామర్థ్యాన్ని గుర్తుచేశాడు.