బాలీవుడ్ అగ్రహీరో సల్మాన్ఖాన్ కెరీర్లో తొలిసారి బయోపిక్లో నటించబోతున్నారా? అంటే ఔననే అంటున్నాయి బాలీవుడ్ వర్గాలు. బ్లాక్ టైగర్గా ప్రసిద్ధికెక్కిన భారతీయ గూఢచారి రవీంద్రకౌశిక్ జీవితం వెండితెరపై ఆవిష్కృతం కానున్నది. 23 ఏళ్ల వయసులో ‘రా’ ఏజెంట్గా జీవితాన్ని మొదలుపెట్టిన రవీంద్రకౌశిక్ పాకిస్తాన్ కుట్రల తాలూకు రహస్యాల్ని ఇండియన్ ఆర్మీకి అందించారు. ఈ క్రమంలోనే శత్రుసైన్యానికి దొరికి పదహారేళ్ల పాటు పాకిస్తాన్లోనే జైలు జీవితాన్ని గడిపి అక్కడే కన్నుమూశారు. ఆయన జీవితం ఆధారంగా దర్శకుడు రాజ్కుమార్ గుప్తా ఓ సినిమాను రూపొందించబోతున్నారు. ఇందులో రవీంద్రకౌశిక్ పాత్రను సల్మాన్ఖాన్ పోషించబోతున్నట్లు తెలిసింది. సుదీర్ఘసినీ ప్రయాణంలో సల్మాన్ఖాన్ నటించనున్న తొలి బయోపిక్ ఇదే కావడం గమనార్హం. 1970-80 దశాబ్దం మధ్య కాలాన్ని ఆవిష్కరిస్తూ పీరియాడికల్ యాక్షన్ ఎంటర్టైనర్గా ఈ సినిమాను తెరకెక్కించబోతున్నారు.