శుక్రవారం 22 జనవరి 2021
Mahabubabad - Jan 14, 2021 , 01:25:21

నీళ్లు నిండుగా.. సాగు సంబురంగా..

నీళ్లు నిండుగా.. సాగు సంబురంగా..

  • సమృద్ధిగా వర్షాలు
  • నిండుకుండలా చెరువులు, కుంటలు
  • యాసంగి సాగుకు సన్నద్ధమైన రైతు

దంతాలపల్లి, జనవరి 12 : జిల్లావ్యాప్తంగా సమృద్ధిగా కురిసిన వర్షాలు. దీంతో చెరువులు, కుంటలు, చెక్‌డ్యాంలు జలకళను సంతరించుకున్నాయి. తెలంగాణ ప్రభుత్వం చేపట్టిన హరితహారంతో విస్తారంగా అడవుల విస్తీర్ణం పెరిగింది. దీంతో జిల్లాలో వర్షపాతం పెరిగింది. ఏటా మే నెలలో భూగర్భ జలాలు అడుగంటేవి. దీంతో ప్రజలు సాగుకు వెనుకాడేది. దీనికితోడు తాగునీటికీ కష్టమయ్యేది. కానీ, కొన్ని సంవత్సరాలుగా వర్షపాతం ఎక్కువగా నమోదవడంతో భూగర్భజలాలు పెరిగాయి. అంతేకాకుండా జిల్లా వ్యాప్తంగా యాసంగి సాగు విస్తీర్ణం పెరిగినట్లు వ్యవసాయ అధికారులు చెబుతున్నారు. మండలంలోని పలు గ్రామాల్లో ఉన్న చెరువులు, కుంటలు జలకళను సంతరించుకున్నాయి. దీనికి తోడు మండలంలో అన్ని గ్రామాల చెరువులు, కుంటలను నింపేందుకు ఎస్సారెస్పీ కాల్వల ద్వారా కాళేశ్వరం నీటిని విడుదల చేయడంతో భూగర్భ జలాలు పెరిగాయి. పుష్కలంగా నీరు, ఉచిత విద్యుత్‌ తో రైతన్నలు సాగుకు సన్నద్ధమవుతున్నారు.  


logo