సోమవారం 01 మార్చి 2021
Komarambheem - Jan 13, 2021 , 01:42:10

అయోధ్య రామమందిర నిర్మాణానికి ప్రాణహిత జలాలు, మట్టి సేకరణ

అయోధ్య రామమందిర నిర్మాణానికి ప్రాణహిత జలాలు, మట్టి సేకరణ

కోటపల్లి, జనవరి 12 : అయోధ్య రామమందిరం నిర్మాణం కోసం మంచిర్యాల జిల్లా కోటపల్లి మండలం అర్జునగుట్ట సమీపంలోని ప్రాణహిత నది నుంచి పవిత్ర జలాలు, మట్టిని సేకరించారు. ఈ సందర్భంగా శృంగేరి జగద్గురు భారతీ తీర్థ మహాస్వామి, విధిశేఖర భారతీ మహాస్వామి ఆశీర్వచనాలతో శృంగేరి పీఠాధిపతి బ్రహ్మజ్ఞ గట్టు నరహరి అవధాని నేతృత్వంలో నది వద్ద మంగళవారం ప్రత్యేక పూజలు నిర్వహించారు. అనంతరం జలాలు, మట్టిని సేకరించారు. దేశంలోని 16 ప్రముఖ నదుల నుంచి జలాలను సేకరిస్తున్నారు. ఇందులో భాగంగా మండలంలోని ప్రాణహిత, చెన్నూర్‌లోని పంచక్రోశ ఉత్తర వాహిన నుంచి సేకరించారు. ఈ కార్యక్రమంలో టీటీడీ విజ్ఞాన యూనివర్సిటీ ప్రిన్సిపల్‌, శృంగేరి వేద పండితులు కుప్ప శివ సుబ్రహ్మణ్య అవధాని, పండితులు మహేశ్వర్‌, దత్తు, సర్పంచ్‌ గుర్రం లక్ష్మి, రైతు బంధు మండల కన్వీనర్‌ గుర్రం రాజన్న పాల్గొన్నారు.

VIDEOS

logo