భవ్య మందిర నిర్మాణంలో భాగస్వాములు కావాలి

శంకరపట్నం, జనవరి 21: శ్రీరాముడి భవ్య మందిర నిర్మాణంలో ప్రతి ఒక్కరూ భాగస్వామ్యం వహించాలని సర్పంచుల ఫోరం మండలాధ్యక్షుడు పల్లె సంజీవరెడ్డి, ఎంపీటీసీల ఫోరం మండలాధ్యక్షుడు పెద్ది శ్రీనివాస్‌రెడ్డి పిలుపునిచ్చారు. గురువారం చింతలపల్లి శ్రీభ్రమరాంబికామల్లికార్జునస్వామి ఆలయంలో శ్రీరామజన్మ భూమి తీర్థ క్షేత్ర ట్రస్ట్‌ సభ్యులు సమావేశమై రామ మందిర నిర్మాణ కరపత్రాలను ఆవిష్కరించారు. ఈ సందర్భంగా వారు మాట్లాడారు. రామ మందిర నిర్మాణానికి ప్రతి ఒక్కరూ తమ వంతుగా ఆర్థిక సాయం అందించాలని కోరారు. అర్చకులు ప్రత్యేక పూజలు నిర్వహించగా భక్తులు విరాళాలు అందజేశారు. ఆలయ చైర్మన్‌ పల్లె మనోహర్‌రెడ్డి, నాయకులు మాడ వెంకట్‌రెడ్డి, దండు కొమురయ్య, వార్డు సభ్యులు పాల్గొన్నారు. 

రామ మందిర నిర్మాణానికి విరాళాల సేకరణ

ఆర్‌ఎస్‌ఎస్‌ సభ్యులు అయోధ్య రామ మందిరం నిర్మాణానికి ఇంటింటా తిరిగి చందాలు సేకరిస్తున్నారు. చాకలివానిపల్లి గ్రామంలో సేకరించిన రూ.5,600 ఆర్‌ఎస్‌ఎస్‌ మండల ప్రముఖ్‌ చంద్రశేఖర్‌కు అందజేశారు.