పారిశుద్ధ్య పనుల పరిశీలన

ఎల్లారెడ్డి రూరల్‌ : ఎల్లారెడ్డి పట్టణ ప్రధాన రహదారిపై పారిశుద్ధ్య పనులను మున్సిపల్‌ చైర్మన్‌ కుడుముల సత్యనారాయణ బుధవారం ఉదయం పరిశీలించారు. ఈ సందర్భంగా ఆయన మాట్లాడుతూ.. పారిశుద్ధ్య కార్మికులు ప్రతిరోజూ తప్పనిసరిగా విధులకు హాజరుకావాలన్నారు. ప్రతి వీధిని శుభ్రంగా ఉంచేందుకు కృషిచేయాలన్నారు. పారిశుద్ధ్య కార్మికుల హాజరు పట్టికను పరిశీలించారు. పట్టణ పరిశుభ్రతకు ప్రతిఒక్కరూ సహకరించాలని కోరారు. ఆయన వెంట మున్సిపల్‌ సిబ్బంది ఉన్నారు.