హైదరాబాద్ : తెలంగాణలో పలు ప్రవేశ పరీక్షల తేదీలను రాష్ట్ర ఉన్నత విద్యామండలి ఇవాళ ఖరారు చేసింది. టీఎస్ ఎడ్సెట్, లా సెట్, ఐసెట్ ప్రవేశ పరీక్ష తేదీలను వెల్లడించింది. ఆగస్టు 19, 20న ఐసెట్, 23న లా సెట్, 24, 25న ఎడ్సెట్ పరీక్షలు నిర్వహించనున్నట్లు స్పష్టం చేసింది. ఇటీవలే ఈ మూడు ప్రవేశ పరీక్షల షెడ్యూల్ను ఉన్నత విద్యామండలి విడుదల చేసింది. బీఈడీలో ప్రవేశాల కోసం ఎడ్సెట్, ఎంబీఏ, ఎంసీఏ ప్రవేశాల కోసం ఐసెట్, న్యాయవాద విద్య అభ్యసించేందుకు లా సెట్ ప్రవేశ పరీక్షలు నిర్వహించనున్న విషయం తెలిసిందే.