అధికారులతో ఎంపీడీవో సమీక్ష

 కన్నాయిగూడెం, జనవరి 27 : మండల విద్యా వనరుల కేంద్రంలో ఎంపీడీవో అడ్డూరి బాబు బుధవారం మండలస్థాయి అధికారులతో సమీక్ష నిర్వహించారు. పల్లె ప్రగతిలో చేపట్టిన అభివృద్ధి పనులు త్వరగా పూర్తి చేయాలని ఆదేశించారు. డంపింగ్‌యార్డులు, సెగ్రిగేషన్‌షెడ్లు, వైకుంఠధామాల పనుల వివరాలు  కార్యదర్శులను అడిగి తెలుసుకున్నారు. అనంతరం మండల ప్రజా పరిషత్‌ నూతన భవన నిర్మాణానికి ఎంపీపీ సమ్మక్క, జడ్పీటీసీ నామ చందు, ఎంపీడీవో బాబు ఆధ్వర్యంలో భూమిపూజ నిర్వహించారు. కార్యక్రమంలో ఏవో నర్సింహారావు, ఎంపీవో కుమార్‌, ఈజీఎస్‌ ఏపీవో చరణ్‌రాజ్‌, పంచాయతీ కార్యదర్శులు, భాస్కర్‌, అప్సర్‌, జాడి రాంబాబు పాల్గొన్నారు.