ఖాదీ వస్ర్తాలను కొనుగోలు చేసి పరిశ్రమను నిలబెట్టాలి

భూపాలపల్లి, జనవరి 27 : ప్రతి ఒక్కరూ ఖాదీ వస్ర్తాలు కొనుగోలు చేసి పరిశ్రమను నిలబెట్టాలని భూపాలపల్లి ఏరియా సింగరేణి సేవా అధ్యక్షురాలు ఈసీహెచ్‌ రాజకుమారి నిరీక్షణ్‌రాజ్‌ అన్నారు. సింగరేణి మినీ ఫంక్షన్‌ హాల్లో  వావిలాల ఖాదీ ప్రతిష్టాన్‌ ఎగ్జిబిషన్‌ కమ్‌ సేల్స్‌ కౌంటర్‌ ఏర్పాటు చేయగా బుధవారం ఆమె సందర్శించారు. ఈ సందర్భంగా మాట్లాడుతూ ఈ నెల 31 వరకు ఎగ్జిబిషన్‌ కమ్‌ సేల్స్‌ కౌంటర్‌ ఉంటుందని, అందరూ సద్వినియోగం చేసుకోవాలన్నారు. కార్యక్రమంలో సేవా సభ్యులు పుష్పలత, కవిత, సేవా కో ఆర్డినేటింగ్‌ ఆఫీసర్‌ రాజేశం, మేనేజర్‌ బాబురావు తదితరులు పాల్గొన్నారు.