బుధవారం 03 మార్చి 2021
Jayashankar - Jan 10, 2021 , 01:45:48

పామాయిల్‌ సాగుపై స్టడీ టూర్‌

పామాయిల్‌ సాగుపై స్టడీ టూర్‌

  • 170 మంది రైతులతో కలిసి భూపాలపల్లి ఎమ్మెల్యే గండ్ర భద్రాద్రి జిల్లాలో పర్యటన
  • సాగుపై రైతులకు అవగాహన

భూపాలపల్లి టౌన్‌, జనవరి 9 : ప్రభుత్వం పామాయిల్‌ సాగుపై ప్రత్యేక దృష్టి సారించి రైతులను ఈ దిశగా ప్రోత్సహిస్తున్నది. ఇప్పటికే కేంద్ర పరిశోధన బృందం తెలంగాణలో పర్యటించి ఆయిల్‌పాం సాగుకు అనువైన భూముల జాబితాను తయారు చేసింది. ఆ జాబితాలో జయశంకర్‌ భూపాలపల్లి జిల్లా కూడా ఉంది. ఈక్రమం లో భూపాలపల్లి ఎమ్మెల్యే గండ్ర వెంకటరమణారెడ్డి ఆయిల్‌పాం పంటల అధ్యయనం కోసం 170 మంది రైతులతో స్టడీ టూర్‌ ఏర్పాటు చేశారు. ఎమ్మెల్యే గండ్ర, రూరల్‌ జడ్పీ చైర్‌పర్సన్‌ గండ్ర జ్యోతి, జిల్లా హార్టికల్చర్‌ అధికారి, రైతులతో కలిసి భద్రాద్రి కొత్తగూడెం జిల్లాలో పర్యటించారు. అశ్వారావుపేట, దమ్మపేట, అప్పారావుపేట గ్రామాల్లో సాగవుతున్న పామాయిల్‌ పంటలు, అశ్వారావుపేట ఫ్యాక్టరీలో పామాయిల్‌ తయారీ విధానాన్ని పరిశీలించారు. ఈ సందర్భంగా ఎమ్మెల్యే మాట్లాడారు. జిల్లాలో 49,750 ఎకరాల్లో ఆయిల్‌పాం సాగు చేయాలని ప్రభుత్వం నిర్ణయించిందన్నారు. ఒకసారి పంటవేస్తే నాలుగో సంవత్సరం నుంచి క్రాప్‌ చేతికి వస్తుందని, ప్రతి రెండు నెలలకు ఒకసారి సీడ్‌ కోసి ఫ్యాక్టరీకి తరలించొచ్చన్నారు. మొదటి నాలుగేళ్ల పాటు తోటలో అంతర్‌ పంటలు వేసుకోవచ్చన్నారు. కార్యక్రమంలో జడ్పీ వైస్‌ చైర్మన్‌ కళ్లెపు శోభ, ఎంపీపీ మందల లావణ్య, రైతుబంధు సమితి బాధ్యుడు భార్గవ్‌, మున్సిపల్‌ వైస్‌ చైర్మన్‌ కొత్త హరిబాబు పాల్గొన్నారు.


VIDEOS

logo