ఆదివారం 28 ఫిబ్రవరి 2021
Jayashankar - Nov 18, 2020 , 01:42:57

10,068 మందికి ఆస్తి పన్ను రాయితీ

10,068 మందికి ఆస్తి పన్ను రాయితీ

మున్సిపాలిటీలో ఇప్పటికే  చెల్లించిన వారు 5,568

చెల్లించాల్సిన  వారు 4,500 మంది

చెల్లించిన  యజయానులకు 2021-22 సంవత్సరానికి వర్తింపు

జయశంకర్‌ భూపాలపల్లి, నమస్తేతెలంగాణ: ప్రభుత్వం ఆస్తి పన్నులో 50 శాతం రాయితీని ప్రకటించడంతో పట్టణ ప్రజలు సంతోషం వ్యక్తం చేస్తున్నారు. మున్సిపాలిటీ పరిధిలో రూ.10వేల లోపు ఆస్తి పన్ను చెల్లిస్తున గృహాల యజమానులకు 50 శాతం ఆస్తి పన్ను రాయితీని రాష్ట్ర పట్టణాభివృద్ధి, మున్సిపల్‌ శాఖ  మంత్రి కేటీ రామారావు ప్రకటించిన విషయం విదితమే.. దీంతో జయశంకర్‌ భూపాలపల్లి మున్సిపాలిటి పరిధిలో 10,068 గృహ యజమానులకు 50 శాతం ఆస్తి పన్ను రాయితీ వర్తించనుంది. మున్సిపాలిటీ పరిధిలో ఉన్న 10,068 యజమానుల్లో ఇప్పటికే 5,568 మంది యజమానులు రూ.కోటీ 15లక్షల 75వేల ఆస్తి పన్నును మున్సిపాలిటీకి ఇప్పటికే చెల్లించారు. మిగతా 4,500 మంది యజమానులు ఆస్తి పన్ను రూపంలో చెల్లించాల్సిన మొత్తం రూ. కోటీ 11లక్షల 57వేలు మాత్రమే బకాయీ ఉన్నట్లు మున్సిపాలిటీ అధికారులు తెలిపారు.  మున్సిపల్‌  పరిధిలో రూ.10వేల లోపు ఆస్తి పన్ను చెల్లిస్తున్న గృహ యజమానులకు  50 శాతం ఆస్తి పన్ను రాయితీ ఎంతో ఊరట నిచ్చేదిగా ఉందని స్థానికులు హర్షం వ్యక్తం చేస్తున్నారు. మున్సిపల్‌ అధికారులు ఇప్పటికే 5,568 గృహాల యజమానుల నుంచి ఆస్తి పన్నుల రూపంలో రూ. కోటీ 15లక్షల 75వేలను వసూలు చేయగా మిగిలిన 4,500 మంది నుంచి వసూలు చేయాల్సిన  బకాయి రూ.కోటీ 11లక్షల 57వేలు ఉంది. ఇందులో ప్రభుత్వం ప్రకటించిన 50 శాతం రాయితీతో మున్సిపాలిటీ ఆస్తి పన్ను వసూలు 50 శాతం తగ్గనుంది. జయశంకర్‌ భూపాలపల్లి మున్సిపాలిటీ పరిధిలో  ప్రభుత్వం ప్రకటించిన 50 శాత గృహాల ఆస్తి పన్నును ఇప్పటికే చెల్లించిన 5,568 మంది గృహ యజమానులకు వచ్చే ఆర్థిక సంవత్సర 2021-22నకు సర్దు బాటు చేయన్నుట్లు  ప్రభుత్వం ప్రకటించింది. ఇప్పటికే చెల్లించిన గృహాల  యజమానులు వచ్చే సంవత్సరం తమ ఆస్తి పన్నులను సర్దుబాటు చేసుకోవాలని అధికారులు తెలియ చేస్తున్నారు. బకాయి ఉన్న 4,500 మంది గృహా యజమానులు మాత్రం ప్రభుత్వం కల్పించిన పన్ను రాయితిని ఉపయోగించుకొని సకాలంలో ఆస్తి పన్నులను చెల్లించాలని అధికారులు తెలిపారు. 


VIDEOS

logo