అదనపు కట్నం కోసం వేధింపులు

• రూ. 25 లక్షలు ఇచ్చినా తీరని దాహం
  
• రెండేళ్ల కూతురితో కలిసి ఉరేసుకున్న తల్లి
• భర్త అత్తమామలపై కేసు నమోదు చేసిన పోలీసులు

కృష్ణకాలనీ: అదనపు కట్నం వేధింపులకు ఓ తల్లి తన రెండేళ్ల కూతురితో సహా బలైంది. జయశంకర్‌ భూపాలపల్లి జిల్లా కేం ద్రంలోని జవహర్‌నగర్‌ కాలనీ లో శుక్రవారం తన కూతురితో పాటు తల్లి ఉరేసుకున్న ఘటన స్థానికంగా కలకలం రేపింది. పో లీసుల కథనం ప్రకారం.. కుమ్రంభీం ఆసిఫాబాద్‌ జిల్లా గోలేటికి చెందిన కుమారస్వామి కి, కరీంనగర్‌ జిల్లా చొప్పదండికి చెందిన లాస్యతో 2016లో వివాహమైంది. ఆ సమయంలో రూ. 25 లక్షల దాకా విలువ జేసే కట్నకానుకలు ఇచ్చారు.

కుమార్‌ సింగరేణి ఉద్యోగి కావడంతో ఈ మధ్యే బదిలీపై భూపాలపల్లిలోని కేటీకే-1 ఇైంక్లెన్‌కు వచ్చారు. కొంతకాలంగా అదనపు కట్నం కోసం దంపతు ల మధ్య గొడవలు జరుగుతున్నాయి. ఈ క్రమంలో వేధింపులు భరించలేక లాస్య (25), కూతురు మహిత (2)కు ఉరేసి తానూ ఉరేసుకుని తనువు చాలించింది. కుమారస్వామి డ్యూటీకి వెళ్లి తిరిగి ఇంటికి వచ్చి చూసేసరికి ఇద్దరూ ఉరికి వేలాడు తూ కనిపించడంతో పోలీసులకు సమాచారం ఇచ్చాడు. అదనపు కట్నం వేధింపుల వల్లే తన చెల్లెలు ఆత్మహత్య చేసుకున్నదని మృతురాలి అన్న సందవేణి రాజు ఇచ్చిన ఫిర్యా దు మేరకు భర్త, అత్తమామలపై కేసు నమోదు చేసుకుని దర్యాప్తు చేస్తున్నట్లు డీఎస్పీ సంపత్‌రావు తెలిపారు. కాగా అభం శుభం తెలియని పసిపాప కూడా ఉరికి వేలాడుతూ కనిపించడం స్థానికులను కలిచివేసింది.