మంగళవారం 07 ఏప్రిల్ 2020
Jayashankar - Mar 03, 2020 , 03:00:21

గ్రీవెన్స్‌కు వినతుల వెల్లువ

గ్రీవెన్స్‌కు వినతుల వెల్లువ

ఏటూరునాగారం మార్చి 2 : సమగ్ర గిరిజనాభివృద్ధి సంస్థ పరిధిలోని ఉమ్మడి వరంగల్‌ జిల్లాలోని 13 మండలాల గిరిజనులు తమ సమస్యలు పరిష్కరించాలని కోరుతూ పలువురు ఏటూరునాగారం ఐటీడీవో పీవో హన్మంతు కే జెండగేకు సోమవారం వినతిపత్రాలు అందజేశారు. ఏటూరునాగారం మండలంలోని ముల్లకట్ట పరిధిలో ఉన్న గిరిజన భూములు సర్వే చేసి తమకు ఇవ్వాలని సొనప నారాయణ, శంకరయ్య, సత్యం, సాంబయ్యలు పీవోకు విన్నవించారు. మహబూబాబాద్‌ జిల్లా గంగారం మండలం మడగూడెం పీసా మొబలైజర్‌గా నియామకం చేయాలని దుర్గారావు దేవేందర్‌ కోరారు. ఆకులవారిఘనపురానికి చెందిన కైంసత్తి అరుణ, ఉపేందర్‌ ఐటీడీఏ పరిధిలో ఏదైనా ఉద్యోగం కల్పించాలని వినతిపత్రం అందజేశారు. తాడ్వాయి మండలం ఊరట్టంకు చెందిన కోరం కృష్ణవేణి, నాలి ప్రతిభ తాము ఏఎన్‌ఎం శిక్షణ పూర్తి చేశామని, ప్రభుత్వ దవాఖానలో ఉద్యోగం ఇప్పించాలని కోరారు. మంగపేట మండలం చుంచుపల్లికి చెందిన తెల్లం హరిచందన జీసీసీ సేల్స్‌మెన్‌ ఉద్యోగం ఇప్పించాలని వినతి పత్రం అందజేశారు. వెంకటాపురం మండలం పాలం గ్రామానికి చెందిన పండ రాజేశ్వరీ బీకాం పూర్తి చేశానని, తనకు ఉద్యోగం ఇప్పించాలని కోరారు. మర్రిగూడెంకు చెందిన దొడ్డ రాంబాబు, పీఎంఎంఎన్‌ స్వీపర్‌గా ఉద్యోగం ఇవ్వాలని వినతిపత్రం సమర్పించారు. భూమి పట్టా సమస్య పరిష్కరించాలని మహబూబాబాద్‌ జిల్లా కొత్తగూడకు చెందిన తుర్స కవిత పీవోను కోరారు. వాజేడు మండలం కృష్ణాపురానికి చెందిన మడే కవిత జీఎన్‌ఎం పూర్తి చేశానని ఉద్యోగం కల్పించాలని విజ్ఞప్తి చేశారు. నర్సంపేట మండలం రాజుపేటకు చెందిన గుంపుల కొమురయ్య రైతు బంధు ఇప్పించాలని కోరారు. ఏటూరునాగారం మండలం దొడ్లకు చెందిన కాక రాజేశ్వరీ తనకున్న భూమికి పట్టాదారు పాసు పుస్తకం, రైతు బంధు ఇవ్వాలని వినతిపత్రం అందజేశారు. కన్నాయిగూడెంకు చెందిన ఇర్ప లక్ష్మి, కోరం లక్ష్మికి పట్టాలు ఇవ్వడం లేదని, పస్రా తైబజార్‌ను పెసా గ్రామ సభలో తీర్మానించాలని, 1/70, ఎల్టీఆర్‌ చట్టాలు అమలు పరుచాలని గిరినాభ్యుదయ సంఘం జిల్లా అధ్యక్షుడు ఆగబోయిన రవి పీవోకు విన్నవించారు. అటవీ హక్కుల చట్టం కింద పొడు భూములకు హక్కు కల్పించాలని వెంకటాపురం ముత్తారం గ్రామ గిరిజనులు వినతి పత్రాలు ఇచ్చారు. 2017లో టీఆర్‌పీ పోస్టుల్లో నకిలీ ఏజెన్సీ సర్టిఫికేట్లతో ఉద్యోగులు పొందిన వారిని గుర్తించి, చర్యలు చేపట్టాలని సమ్మయ్య, అశ్విని, విజయ, ప్రియ వినతి పత్రాలు అందజేశారు. కరంట్‌ లైన్‌ ఏర్పాటు చేయాలని మొర్రివానిగూడెం గ్రామస్తులు వినతిపత్రం అందజేశారు. మంగపేట మండలం తొండ్యాల లక్ష్మీపురంలో గిరివికాస్‌ కింద బోర్లు వేసుకుందామంటే అటవీ అధికారులు ఇబ్బందులు పెడుతున్నట్లు రైతులు వినతిపత్రా లు అం దజేశారు. మొత్తం 44 దరఖాస్తులు వచ్చినట్లు అధికారులు తెలిపారు. గ్రీవెన్సులో ఏపీవో వసంతరా వు, ఎస్‌డీసీ భిక్షపతి, డీటీడీవో మంకిడి ఎర్రయ్య, డిప్యూటీ ఈ వో నర్సింహ, ఆర్‌సీవో రాజ్యలక్ష్మి, జీసీసీ డీఎం ప్రతాప్‌రెడ్డి, మేనేజర్‌ లాల్‌నాయక్‌, పీహెచవో సంజీవరావు, ఏడీఏ శ్రీధర్‌, సీడీపీవో హేమలత, జీడీఎం కొండల్‌రావు, పెసా కో ఆర్డినేటర్‌ ప్రభాకర్‌ పాల్గొన్నారు.



logo