e-Paper

Advertisement

E-Paper

Apps

Book Your Copy

Visit Telangana Today

Wednesday, June 23, 2021
Home జనగాం విద్యార్థుల్లో మేధస్సు పెంపునకు జీవ వైవిధ్య పోటీలు

విద్యార్థుల్లో మేధస్సు పెంపునకు జీవ వైవిధ్య పోటీలు

విద్యార్థుల్లో మేధస్సు పెంపునకు జీవ వైవిధ్య పోటీలు

3 నుంచి 12వ తరగతి విద్యార్థులందరికీ అవకాశం
ఈ నెల 20వ వరకు దరఖాస్తుల స్వీకరణ
ఆన్‌లైన్‌ లో 22న పరీక్షలు

భూపాలపల్లి రూరల్‌/ములుగు టౌన్‌, మే 16: కొవిడ్‌తో పాఠశాలలకు సెలవులొచ్చి విద్యార్థులు ఇంటికే పరిమితమైన తరుణంలో వారిలో ని మేధస్సు, సామాజిక స్పృహను పెంపొందించేందుకు రాష్ట్ర విద్యాశాఖ చర్యలు చేపట్టింది. ఇందులో భాగంగా ఈ నెల 22న అంతర్జాతీయ జీవవైవిధ్య దినోత్సవాన్ని పురస్కరించుకుని తెలంగాణ రాష్ట్ర జీవవైవిధ్య బోర్డు, టీఎస్‌ఎన్‌జీసీ సంయుక్తంగా విద్యార్థులకు ఆన్‌లైన్‌లో పోటీలు నిర్వహించాలని నిర్ణయించింది. ఇందులో భా గంగా జయశంకర్‌ భూపాలపల్లి, ములుగు జిల్లాల్లో ప్రభుత్వ, ప్రైవేట్‌ పాఠశాలల్లో చదువుకుంటున్న 3 నుంచి 12వ తరగతి(ఇంటర్‌) విద్యార్థులందరికీ ఈ పోటీల్లో పాల్గొనే అవకాశం కల్పించింది. ఆసక్తి ఉన్న విద్యార్థులు ఈ నెల 20 వరకు ఆన్‌లైన్‌లో దరఖాస్తు చేసుకోవచ్చు. అర్హులైన విద్యార్థులకు ఈ నెల 22న ఆన్‌లైన్‌ పోటీలు నిర్వహించనున్నారు.
ఆన్‌లైన్‌లో పోటీ పరీక్షలు
అంతర్జాతీయ జీవవైవిధ్య దినోత్సవాన్ని పురస్కరించుకొని ప్రతి సంవత్సరం జిల్లా విద్యాశాఖ అధికారులు పాఠశాలల్లో ప్రత్యేకంగా జీవ వైవిధ్య అంశాలపై విద్యార్థులకు పోటీ పరీక్షలు నిర్వహించే వారు. ఈ సంవత్సరం కరోనా కారణంగా ఆన్‌లైన్‌ పోటీలు నిర్వహించేందుకు ప్రత్యేక ఏర్పా ట్లు చేశారు. ఆసక్తి ఉన్న విద్యార్థులు ఈ నెల 20 వరకు https:///tsepbr.org/pbr-event వెబ్‌సైట్‌లో పూర్తి వివరాలు, సెల్‌ నంబర్‌ నమోదు చేసుకోవాలి. అనంతరం వారి సెల్‌కు సంక్షిప్త సందేశం రూపంలో వివరాలు పంపిస్తారు. ఈ నెల 22న ఆన్‌లైన్‌లో విద్యార్థుల తరగతుల వారీగా వ్యాసరచన, ఫొటోగ్రఫీ, చిత్రలేఖనం, ఉపన్యాసం, నృత్యం, కార్టూన్‌ డిజైనింగ్‌, నినాదాలు, ఆధునిక వస్త్రధారణ వంటి ఎనిమిది అంశాలపై పోటీలు నిర్వహిస్తారు. ప్రతిభ చూపిన విద్యార్థులకు ఆన్‌లైన్‌ ధ్రువపత్రాలు కూడా అందజేస్తారు.

Advertisement
-Advertisement-

తాజావార్తలు

Advertisement
విద్యార్థుల్లో మేధస్సు పెంపునకు జీవ వైవిధ్య పోటీలు

ట్రెండింగ్‌

Advertisement