బుధవారం 03 మార్చి 2021
Jangaon - Feb 15, 2021 , 01:53:43

కరెన్సీపై అంబేద్కర్‌ ఫొటో ముద్రించాలి

కరెన్సీపై అంబేద్కర్‌ ఫొటో ముద్రించాలి

  •  ఎస్సీ, ఎస్టీ కమిషన్‌ చైర్మన్‌ ఎర్రోళ్ల శ్రీనివాస్‌

జనగామ నమస్తే తెలంగాణ, ఫిబ్రవరి 14. భారత రాజ్యాంగ నిర్మాత బీఆర్‌ అంబేద్కర్‌ ఫొటోను కరెన్సీపై ముద్రించాలని రాష్ట్ర ఎస్సీ, ఎస్టీ కమిషన్‌ చైర్మన్‌ ఎర్రోళ్ల శ్రీనివాస్‌ కేంద్ర ప్రభుత్వాన్ని కోరారు. ఆదివారం జనగామ పట్టణంలోని అంబేద్కర్‌ విగ్రహానికి ఎమ్మెల్యే తాటికొండ రాజయ్యతో కలిసి ఆయన పూలమాల వేశారు. ఈ సందర్భంగా వారు మాట్లాడుతూ కరెన్సీ నోటుపై అంబేద్కర్‌ ఫోటో ముద్రించడమనేది న్యాయమైన డిమాండ్‌ అన్నారు. దీనిని స్వాగతిస్తున్నట్లుగా వారు పేర్కొన్నారు. ఈ విషయమై ఆర్బీఐ గవర్నర్‌తో పాటు ప్రధానమంత్రికి లేఖలు రాస్తామని హామీ ఇచ్చారు. ఈ కార్యక్రమంలో దళిత నాయకులు సీహెచ్‌ రాజమౌళి, సుగుణాకర్‌ రాజు, కరెన్సీ నోటుపై అంబేద్కర్‌ ఫొటో సాధన సమితి జాతీయ అధ్యక్షుడు జేరిపోతుల పరశురాములు, నాయకులు రాజు, శేఖర్‌, ప్రభాకర్‌, రవి, శ్రీను తదితరులు పాల్గొన్నారు.


VIDEOS

logo