పాకాలలో జిల్లా స్థాయి కబడ్డీ పోటీలు ప్రారంభం

కొడకండ్ల, ఫిబ్రవరి 12 : మండలంలోని పాకాల గ్రామంలో వారం రోజుల పాటు నిర్వహించే జిల్లా స్థాయి కబడ్డీ పోటీలను డీసీసీబీ వైస్‌ చైర్మన్‌ కుందూరు వెంకటేశ్వర్‌రెడ్డి శుక్రవారం ప్రారంభించారు. అనంతరం సర్పంచ్‌ జాజుల శ్రీలేఖ ఆధ్వర్యంలో నిర్వహించిన సమావేశంలో సర్పంచ్‌ల ఫోరం మండల అధ్యక్షుడు పసునూరి మ ధుసూదన్‌ పాల్గొన్నారు. అంతకు ముందు క్రీడాకారులతో కలిసి ఆయన కబడ్డీ ఆడా రు. జిల్లా నలుమూలల నుంచి 25 జట్లు పోటీల్లో పాల్గొంటున్నాయని క్రీడల నిర్వాహకులు తెలిపారు. ఈ కార్యక్రమంలో ‘మిషన్‌ భగీరథ’ ఏఈ జాజుల ప్రవీణ్‌, బోయిని రమేశ్‌, కుంచం హరీశ్‌, నిర్వాహకులు అనపురం మధు, తాళ్ల శోభన్‌, దేశబోయిన అయిలుమల్లు పాల్గొన్నారు.