క్రీడాకారులకు సర్కారు ప్రోత్సాహం

కొడకండ్ల, జనవరి 10 : టీఆర్‌ఎస్‌ ప్రభుత్వం అధికారంలోకి వచ్చాక క్రీడాకారులకు ప్రోత్సాహం లభిస్తున్నదని కొడకండ్ల వ్యవసాయ మార్కెట్‌ చైర్మన్‌ పేరం రాము అన్నారు. మండల కేంద్రంలో నిర్వహిస్తున్న రాష్ట్ర స్థాయి క్రికెట్‌ పోటీలు ఆదివారం ముగిశాయి. ఈ సందర్భంగా నిర్వహించిన సమావేశంలో రాము మాట్లాడుతూ క్రీడాకారులు క్రికెట్‌తో పాటు గ్రామీణ క్రీడలపై ఆసక్తి చూపాలన్నారు. అనంతరం క్రికెట్‌ పోటీల్లో ప్రథ మ, ద్వితీయ బహుమతులు సాధించిన వావిలాల, కడగుట్ట తండా జట్లకు షీల్డులు ప్రదానం చేశారు. ఈ కార్యక్రమంలో టీఆర్‌ఎస్‌ పట్టణ అధ్యక్షుడు కుందూరు అమరేందర్‌ రెడ్డి, నాయకులు కోటగిరి కుమార్‌గౌడ్‌, మంగ్యానాయక్‌, దయానంద్‌, వీర్యానాయక్‌, యాకూబ్‌ పాల్గొన్నారు.