తెలంగాణ సాగుభూముల్లో పోషకాలకు కొదువ లేదని ప్రొ॥ జయశంకర్ తెలంగాణ రాష్ట్ర వ్యవసాయ విశ్వవిద్యాలయం శాస్త్రవేత్తలు చెబుతున్నారు. వేసవి దుక్కులపై పలు సలహాలు, సూచనలను వారు అందించారు.
ఇప్పటికే కోతలు పూర్తయిన పొలాలను ఈ వేసవిలోనే చదును చేసుకొని, సేంద్రియ ఎరువులు చల్లుకోవాలి.
తొలకరికి ముందుగానే నేలను కనీసం రెండుసార్లయినా లోతుగా దున్నుకోవాలి.
వర్షాలు ప్రారంభం కాకముందే పొలాలను సాగుకు సిద్ధం చేసుకోవాలి.
చెరువుల్లోని ఒండ్రుమట్టిని పొలాల్లో వేయించుకుంటే మంచిది. ఇది చేనుకు ఎంతో మేలు చేస్తుంది.
పశువుల పేడనూ వీలైనంత ఎక్కువగా వాడుకోవాలి.
కొన్నిచోట్ల యాసంగిలో వేరుశనగ కోసిన వెంటనే లోతు దుక్కులు చేసుకోవాలి. వేసవి దుక్కులతో ప్రయోజనాలు
వేసవి దుక్కులతో వర్షపు నీటిని సమర్థవంతంగా వినియోగించుకొనే అవకాశం ఉంటుంది.
ఈ దుక్కులవల్ల నేలలోని నీరు ఇంకని పొరలు తొలగిపోయి, నీరు ఇంకే గుణం పెరుగుతుంది.
ఫలితంగా పొలంలో కురిసిన వర్షపు నీరు అక్కడికక్కడే నేలలోకి ఇంకి, భూగర్భ జలాలు పెరుగుతాయి.